U Aršanskim rajonie vyjezd milicyi pa vykliku na siamiejny skandał zaviaršyŭsia stralboj: śledčy byŭ vymušany prymianić zbroju suprać chulihana z pracujučaj bienzapiłoj u rukach, jaki napadaŭ na jaho.
41‑hadovy niećviarozy rabočy ŭviečary zakaciŭ doma skandał: pasvaryŭsia z žonkaj, vyhnaŭ na vulicu niapoŭnahadovych dziaciej. Žančyna vyklikała milicyju. Supracoŭniki rajonnaha adździeła milicyi apieratyŭna vyjechali na dapamohu.
Haspadar, ubačyŭšy ich, uziaŭ piłu ŭ ruki, zavioŭ jaje i staŭ pahražać ludziam u formie. Tyja papiaredzili, što kab abaranicca, prymieniać zbroju. Napadnik nie chacieŭ ničoha słuchać. Supracoŭnik śledčaha adździeła papiaredniaha rasśledavańnia, jaki ŭvachodziŭ u skład hrupy, čatyry razy streliŭ uvierch. Potym spatyknuŭsia i ŭpaŭ. Skandalist zanios nad im bienzapiłu. Śledčy na hety raz stralaŭ prycelna i paraniŭ napadnika. Apošni špitalizavany ŭ balnicu haradka Barań. Pa papiaredniaj acency rajonnaj prakuratury, prymianieńnie tabielnaj zbroi było pravamiernym.
Ciapier čytajuć
Pahladzieli film «Piaščotna da siabie», źniaty pa dzika papularnaj biełaruskaj knizie — pra zaciukanuju žančynu, jakuju chočuć zrabić dla ŭsich zručnaj33
Kamientary