Jak dzień ratyfikacyi pahadnieńniaŭ nacyjanalnym schodam nazyvajecca 30 červienia.
Alaksandr Łukašenka padpisaŭ šerah zakonaŭ ab ratyfikacyi dahavoraŭ i pahadnieńniaŭ u ramkach Mytnaha sajuza Biełarusi, Kazachstana i Rasii.
Dadzienyja zakony raźmieščany na Nacyjanalnym pravavym internet-partale, što śviedčyć ab ich padpisańni kiraŭnikom dziaržavy.
Prezidentam padpisany zakony ab ratyfikacyi parłamientam Biełarusi Dahavora ab Mytnym kodeksie Mytnaha sajuza, Pratakoła ab uniasieńni źmianieńniaŭ i dapaŭnieńniaŭ u Dahavor ab Mytnym kodeksie mytnaha sajuza ad 27 listapada 2009 hoda.
Kiraŭnikom dziaržavy taksama padpisany zakon ab ratyfikacyi pahadnieńnia ab ustanaŭleńni i ŭžyvańni ŭ Mytnym sajuzie paradku zaličeńnia i raźmierkavańnia ŭvaznych mytaŭ (inšych mytaŭ, padatkaŭ i zboraŭ, jakija majuć ekvivalentnaje dziejańnie), ratyfikacyi Pratakoła ab uniasieńni źmianieńniaŭ u pahadnieńnie ab pryncypach spahnańnia ŭskosnych padatkaŭ pry eksparcie i imparcie tavaraŭ, vykanańni rabot, akazańni pasłuh u Mytnym sajuzie, ratyfikacyi Pratakoła ab paradku spahnańnia ŭskosnych padatkaŭ i miechaniźmie kantrolu za ich vypłataj pry eksparcie i imparcie tavaraŭ u Mytnym sajuzie.
Padpisany i ŭstupiŭ u siłu taksama zakon ab ratyfikacyi pahadnieńnia Mytnaha sajuza pa vieterynarna-sanitarnych mierach, pahadnieńni Mytnaha sajuza ab karancinie raślin, pahadnieńnia pa sanitarnych mierach. Akramia taho, prezident Biełarusi padpisaŭ zakon ab ratyfikacyi pahadnieńnia ab zvarocie pradukcyi, jakaja padlahaje abaviazkovaj acency (paćvierdžańnia) adpaviednaści na mytnaj terytoryi Mytnaha sajuza, a taksama zakon ab ratyfikacyi pahadnieńnia ab uzajemnym pryznańni akredytacyi orhanaŭ pa siertyfikacyi (acency (paćvierdžańnia) adpaviednaści) i vyprabavalnych łabaratoryj (centraŭ), jakija vykonvajuć raboty pa acency (paćvierdžańnia) adpaviednaści.
Jak dzień ratyfikacyi pahadnieńniaŭ nacyjanalnym schodam nazyvajecca 30 červienia.
Ciapier čytajuć
Čaćviortuju liniju minskaha mietro paviaduć u Dražniu. A «Ślapianka» i «Daŭhabrodskaja» źmianili svajo miesca3
Kamientary