U Homieli mužčyna napaŭ z nažom na dvuch čałaviek. Jaho zatrymali vajskoŭcy
Padčas niasieńnia vajskovym patrulom słužby ŭ Savieckim rajonie Homiela da vajskoŭcaŭ źviarnuŭsia mužčyna z parezami i drapinami. Jon paviedamiŭ, što ŭ susiednim domie małaznajomy čałaviek źbiŭ i paraniŭ nažom jaho, a taksama jašče adnaho čałavieka.
Patrul nieadkładna nakiravaŭsia da nazvanaha šmatpaviarchovaha doma. Kala jaho jany pabačyli druhoha paciarpiełaha, jakomu vyklikali bryhadu chutkaj miedycynskaj dapamohi.
Nieŭzabavie z padjezda vyjšaŭ mužčyna, na jakoha paciarpieły pakazaŭ jak na napadnika. Kali vajskoŭcy padyšli da jaho, jon zajaviŭ, što nibyta abaraniaŭsia z dapamohaj naža, a paśla vykinuŭ jaho z akna svajoj kvatery, raźmieščanaj na 12‑m paviersie.
Hetaje tłumačeńnie nie pierakanała patrulnych, i mužčynu zatrymali. Padčas ahladu terytoryi vajskoŭcy znajšli nož, paśla čaho ačapili miesca zdareńnia da pryjezdu śledča-apieratyŭnaj hrupy.
Zatrymanaha pieradali supracoŭnikam rajonnaha adździeła ŭnutranych spraŭ. U dačynieńni da jaho zaviali kryminalnuju spravu.
Ciapier čytajuć
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałoŭnaje nie zabyvać padzaradžać nie tolki telefon, ale i siabie samoha». Jak ukrainski vajskoviec žyvie z dvuma elektrastymulatarami. I što ŭ jaho z seksam?
«Hałandski architektar», jaki adbudavaŭ Vostruju bramu i pastaviŭ sabie dom-krepaść u Hajciuniškach, akazaŭsia nijakim nie hałandcam. Ale jaho spadčyna zachaplaje99
Kamientary