Zialenski: Vyhladaje tak, niby ZŠA prymušajuć Ukrainu da kapitulacyi
«Ja nie kažu, što heta meta našych partnioraŭ. Ja nie chaču dumać, što našy amierykanskija partniory vierać, što vajnu možna skončyć chutčej za košt Ukrainy. Ale heta tak vyhladaje».
Prezident Ukrainy Uładzimir Zialenski ŭ intervju Bloomberg zakranuŭ adnosiny z amierykanskaj administracyjaj.
Zialenski raskazaŭ, što ŭ adkaz na patrabavańnie Trampa spynić udary pa rasijskich NPZ vykazaŭ sustrečnuju prapanovu.
«Maja apošniaja madel była takoj: my nie čapajem rasijskaje dyzpaliva, vy dajacie nam rakiety dla sistem Patriot dla abarony našych abjektaŭ. Ale jany chočuć, kab my prosta spynili ataki na dyzpaliva. I kali my ŭdarym, jany nam što-niebudź adklučać».
«Ja liču, što byli zrobleny kroki, kab prymusić Ukrainu da kapitulacyi, — skazaŭ Zialenski. — Ja nie kažu, što heta meta našych partnioraŭ. Ja nie chaču dumać, što našy amierykanskija partniory vierać, što vajnu možna skončyć chutčej za košt Ukrainy. Ale heta tak vyhladaje».
Zialenski taksama zajaviŭ, što ZŠA zatrymlivajuć pastaŭki rakiet-pierachopnikaŭ dla sistem supraćpavietranaj abarony Patriot, jakija vykarystoŭvajucca dla źniščeńnia rasijskich balistyčnych rakiet, što nanosiać najbolšuju škodu infrastruktury ŭkrainskich haradoŭ.
Ciapier ZŠA pastaŭlajuć va Ukrainu tolki 12 rakiet-pierachopnikaŭ Patriot na miesiac, što składaje prykładna čverć ad tempaŭ pry administracyi Džo Bajdena. Pry Trampie ZŠA pradajuć hetyja rakiety Ukrainie, tady jak Bajden pradastaŭlaŭ ich biaspłatna ŭ jakaści vajennaj dapamohi.
Zialenski vykazaŭsia taksama pra Pucina.
«Ja dumaju, što ŭ prezidenta ZŠA sapraŭdy dobryja adnosiny z Pucinym, — skazaŭ Zialenski. — Ale tut štości nie pracuje. Na hety momant Tramp nie moža prymusić Pucina spynić vajnu».
-
Ukrainskija vajskoŭcy zajavili pra paśpiachovuju apieracyju «Vieles», jakoj jany sarvali rasijskija płany nastupu na Kupiansk
-
U vyniku rasijskaha ŭdaru pa Kijevie razburanyja niekalki handlovych centraŭ FOTY
-
«Ja pisaŭ mamie, a jana ŭžo była miortvaja» — historyi zahinułych paśla ŭdaru pa Novaj Vadałazie na Charkaŭščynie
Ciapier čytajuć
Što viadoma pra aryšt i źniavoleńnie sienatara Ihara Siarhiejeva, dyrektara Biełaruskaha cemientnaha zavoda3
Što viadoma pra aryšt i źniavoleńnie sienatara Ihara Siarhiejeva, dyrektara Biełaruskaha cemientnaha zavoda
«Zaprasiŭ mianie na spatkańnie i pryjechaŭ na jaho z pakietam pamidoraŭ zamiest kvietak». Što ŭspaminajuć pra Jana Pamiedora Reuckaha, admina šmattysiačnaj supołki biełarusaŭ Polščy77
Kamientary