Karol Bielhii Filip admoviŭsia pryniać adstaŭku premjer-ministra krainy Barta de Vieviera i daručyŭ jamu jak maha chutčej zaviaršyć pieramovy nakont dziaržaŭnaha biudžetu, paviedamlaje Le Soir.
Padčas sustrečy ŭ Karaleŭskim pałacy karol atrymaŭ aficyjnyja zapeŭnivańni ad lidaraŭ piaci partyj, jakija ŭvachodziać u kiroŭnuju bolšaść, što jany hatovyja pajści na ŭzajemnyja sastupki dziela dasiahnieńnia biudžetnaha pahadnieńnia.
Karol padkreśliŭ, što nieabchodna znajści bałans pamiž zachavańniem sacyjalnaj zhurtavanaści i stymulavańniem ekanamičnaha rostu. Pavodle zajavy karaleŭskaha dvara, usie piać partyj paćvierdzili svaju rašučaść jak maha chutčej damovicca pra zbałansavany biudžetny kurs na nastupnyja try hady.
Čakajecca, što 16 listapada Bart de Vievier znoŭ sustreniecca z karalom i paviedamić jamu pra vyniki pieramoŭ.
Premjer-ministr padaŭ zajavu ab adstaŭcy 2 listapada paśla taho, jak jaho ŭradu nie ŭdałosia dasiahnuć zhody nakont skaračeńnia dziaržaŭnych vydatkaŭ na 10 miljardaŭ jeŭra. Karol nie staŭ adrazu prymać rašeńnie i na praciahu apošnich dzion pravodziŭ kansultacyi ź lidarami partyj kiroŭnaj bolšaści.
Raniej, padčas samitu lidaraŭ Jeŭrasajuza 16 kastryčnika, Bart de Vievier rašuča vystupiŭ suprać abmierkavańnia mahčymaści vykarystańnia zamarožanych aktyvaŭ Centralnaha banka Rasii.
Premjer Bielhii zajaviŭ pra adstaŭku
Hiermanija, Italija i Bielhija chočuć prypyniać pryniaćcie novych zakonaŭ ES
Bielhija nie budzie demantavać svaje jadziernyja reaktary
Premjer-ministr Bielhii vykazaŭsia za ździełku z Pucinym
Premjer Bielhii pryznaŭsia, što Rasija pahražała jamu asabista za zhodu na razmarožvańnie rasijskich aktyvaŭ
Bielhija zabłakavała nadańnie Ukrainie €140 miljardaŭ reparacyjnaha kredytu za košt aktyvaŭ RF
Zamiest pareštkaŭ Vitaŭta za ścianoj Vilenskaj katedry znajšli tolki kuču kamianioŭ. Ale ŭłady Litvy hatovyja vydatkavać na praciah pošukaŭ jašče 1,5 miljona jeŭra3232
Kamientary