Biełaruska Darja raskazała ŭ Threads, što atrymała dziŭnaje paviedamleńnie ad padatkovaj słužby. Ź jaho vynikała, što jaje źniali z uliku jak pamierłuju. Adnak nasamreč pryčynaj nieparazumieńnia stała ŭłasnaja niaŭvažlivaść dziaŭčyny, piša Blizko.by.
«Siońnia narešcie daviedałasia, što ja, akazvajecca, pamierła», — napisała dziaŭčyna.
Na skrynšotach paviedamleńnia było vidać, što padatkovaja źniała Darju z uliku jak płacielščycu padatku na prafiesijny dachod. U jakaści padstavy paznačyli abzac druhi padpunkta 3.2 punkta 3 artykuła 381 Padatkovaha kodeksa. Dziaŭčyna znajšła adpaviednuju normu i źviarnuła ŭvahu, što ŭ joj havorycca pra mahčymaść źniać z uliku pamierłuju asobu.
Adnak kamientatary patłumačyli, što Darja niapravilna paličyła abzacy. Adlik treba było pačynać z radka, dzie paznačany sam padpunkt 3.2. Tamu druhi abzac tyčycca nie śmierci, a nieadpaviednaści vidaŭ dziejnaści patrabavańniam dla płacielščykaŭ padatku na prafiesijny dachod. Mienavita z hetaj pryčyny dziaŭčynu i źniali z uliku.
Karystalniki Threads źviarnuli ŭvahu na pamyłku i pažartavali, što dziakujučy hetaj historyi Darja daviedałasia, jak pravilna ličyć abzacy.
Kamientary