Łaŭreat Nobieleŭskaj premii miru i adzin z samych viadomych uradžencaŭ PAR, abviaściŭ pra svajo rašeńnie spynić hramadskuju dziejnaść.
Arcybiskup Desmand Tutu, łaŭreat Nobieleŭskaj premii miru i adzin z samych viadomych uradžencaŭ PAR, abviaściŭ pra svajo rašeńnie spynić hramadskuju dziejnaść.
U kastryčniku minułaha hoda, kali jamu spoŭniłasia 79 hadoŭ, arcybiskup zajaviŭ, što skaračaje svoj pracoŭny hrafik da adnaho dnia ŭ tydzień, i paviedamiŭ, što nieŭzabavie i zusim sydzie na spakoj.
Vystupajučy pa nacyjanalnym telebačańni PAR, arcybiskup raspavioŭ, jak u apošnija hady jamu stała ŭsio ciažej spraŭlacca z pracaj. «Mnie vielmi, vielmi pašancavała ŭ tym, što
ja atrymaŭ mahčymaść unieści svaju małuju leptu ŭ raźvićcio našaj novaj, demakratyčnaj, cudoŭnaj i časam nievynosnaj nacyi», — skazaŭ jon.
«Pryjšoŭ čas źmienšyć abaroty», — pryznaŭsia Tutu i dadaŭ: jon chacieŭ by mieć bolš volnaha času, kab papić harbaty z žonkaj, pahladzieć krykiet abo źjeździć u hości da ŭnukam.
Zmahar z aparteidam
Desmand Tutu naradziŭsia ŭ 1931 hodzie ŭ nievialikim šachciorskim haradku ŭ Transvaali. Spačatku jon vyrašyŭ pajści pa śladach baćki i stać nastaŭnikam, ale admoviŭsia ad hetaj prafiesii paśla pryniaćcia ŭ 1953 hodzie zakanadaŭčaha aktu, jaki ŭvioŭ siehrehacyi ŭ sistemie adukacyi PAR.
Zamiest nastaŭničannaja Tutu vybraŭ carkoŭnuju karjeru. Vialiki ŭpłyŭ na jaho śvietapohlad akazali śviatary Paŭdniovaj Afryki, jakija nie prymali aparteid. Siarod ich byli i biełyja paŭdniovaafrykancy, u pryvatnaści, biskup Trevar Chadłstoŭn.
Na praciahu 27 hadoŭ, praviedzienych Nelsanam Mandełam u turmie, arcybiskup Tutu rezka vystupaŭ suprać aparteidu. U 1984 hodzie jamu była prysudžanaja Nobieleŭskaja premija.
Paśla krušeńnia režymu aparteidu Mandeła pryznačyŭ jaho kiraŭnikom Kamisii praŭdy i prymireńnia, jaki zajmaŭsia rasśledavańniem złačynstvaŭ ździejśnienych u hady aparteidu abodvuma bakami.
Desmand Tutu staŭ taksama pieršym čarnaskurym śviatarom, jakija zaniali pasadu arcybiskupa Kiejptaŭnie. Jon viadomy jak rezki krytyk prezidenta Zimbabve Robierta Muhabe, izrailskaj palityki ŭ dačynieńni Paleścinskaj aŭtanomii i irackaj vajny.
Ciapier čytajuć
U Varšavu pryjechała sotnia biełaruskich palitviaźniaŭ8
Kamientary