Kiraŭnik Biełarusi začapiŭ temu adnosinaŭ z ZŠA ŭ intervju siryjskaj haziecie «Al-Vatan».
Biełaruś paśladoŭna vystupaje za narmalizacyju adnosinaŭ z ZŠA. Pra heta ŭ intervju siryjskaj haziecie«Al-Vatan» zajaviŭ kiraŭnik Biełarusi Alaksandr Łukašenka.
«Ja ŭžo zajaŭlaŭ pra toje, što palityka administracyi Baraka Abamy, nacelenaja na pošuk partnioraŭ, raźvićcio adnosin, zasnavanych na ŭzajemnych intaresach i ŭzajemnaj pavazie, suhučnaja našym pryncypam naładžvańnia miždziaržaŭnaha supracoŭnictva, siarod jakich — šmatviektarnaść, sumlennaść i adkrytaść. Mienavita hetymi pryncypami varta kiravacca amierykanskaj administracyi pry realizacyi svajoj palityki na biełaruskim napramku. Chaču padkreślić, što Biełaruś nikoli nie była inicyjataram paharšeńnia adnosinaŭ z ZŠA. Biełaruś paśladoŭna vystupaje za ich narmalizacyju», — skazaŭ A.Łukašenka.
Pa słovach Alaksandra Łukašenki, jon zychodzić z taho, što i Biełaruś, i ZŠA ŭ roŭnaj stupieni zacikaŭlenyja ŭ narmalizacyi adnosin pamiž dźviuma krainami.
«Dla hetaha, adnak, patrebna palityčnaja vola, treba admovicca ad padychodaŭ i stereatypaŭ, što vyčarpali siabie, zastarełych kryŭdaŭ i pretenzij.U hetym kantekście dziejańnie ekanamičnych sankcyj ZŠA ŭ dačynieńni da adnaho z najbujniejšych biełaruskich pradpryjemstvaŭ — kancerna «Biełnaftachim» — pieraškadžaje narmalizacyi
Hałoŭnaje, što ZŠA ŭśviedamlajuć bieśpierśpiektyŭnaść siłavoha cisku na našu krainu, a heta ŭ svaju čarhu padšturchoŭvaje da pošuku razumnych mietadaŭ vybudoŭvańnia dvuchbakovych adnosinaŭ, dadaŭ kiraŭnik dziaržavy.
Pa słovach Alaksandra Łukašenki, u apošni hod aktyvizavalisia kantakty na vysokim i vyšejšym uzroŭni z pradstaŭnikami amierykanskaj administracyi, zakanadaŭčaj ułady, dziełavych kołaŭ. «U červieni minułaha hoda ja sustreŭsia z pradstaŭničaj delehacyjaj Kanhresu ZŠA. U sakaviku 2010 hoda pryniaŭ kiraŭnikoŭ šerahu bujnych amierykanskich kampanij. Vizit aznamienavaŭ saboj niefarmalny pačatak dziejnaści Savieta dziełavoha supracoŭnictva Biełaruś — ZŠA. My zajavili ab svajoj hatoŭnaści pačać plonnaje supracoŭnictva z ZŠA nie tolki ŭ ekanamičnaj, ale i ŭ inšych śfierach», — adznačyŭ kiraŭnik dziaržavy.
Razam z tym, praciahnuŭ jon, my źjaŭlajemsia realistami i nie raźličvajem na istotnaje palapšeńnie dvuchbakovych adnosinaŭ u bližejšy čas.
«Heta marudny praces, jon budzie doŭhim, ale my hatovyja pracavać z novaj amierykanskaj administracyjaj u hetym napramku», — zajaviŭ Alaksandr Łukašenka.
Jon taksama adznačyŭ, što, niahledziačy na składanyja dvuchbakovyja palityčnyja adnosiny, Biełaruś i ZŠA nie spyniali ŭzajemadziejańnia pa mnohich napramkach, jakija pradstaŭlajuć uzajemny intares, uklučajučy pytańni baraćby z handlem ludźmi, mižnarodnym teraryzmam, kibierzłačynstvami. Značny dvuchbakovy patencyjał u śfierach enierhietyki, navuki i technałohij, sielskaj haspadarki i achovy zdaroŭja. «Tak što pry naležnym imknieńni Biełaha doma my majem realnyja šancy vybudavać narmalnyja adnosiny, jakija vyklučajuć dyktat i dvajnyja standarty», — dadaŭ Alaksandr Łukašenka.
Kali Kanapackaja stała całkam padkantrolnaja Łukašenku?16
Kamientary