Minskaje «Dynama» praviało pieršuju hulniu ŭ ramkach treciaha kvalifikacyjnaha raŭndu Lihi Jeŭropy.
Minskaje «Dynama» praviało pieršuju hulniu ŭ ramkach treciaha kvalifikacyjnaha raŭndu Lihi Jeŭropy.
Volaj losavańnia minčanam daviałosia pajechać u dalokuju Chajfu, kab sustrecca ź miascovym «Makabi». Ź izrailskaj kamandaj našy kłuby pierasiakalisia dvojčy. Spačatku ŭ 2000 hodzie supiernikam «Makabi» ŭ Kubku UEFA była mazyrskaja «Słavija». Kamandy dvojčy zhulali ŭničyju, ale za košt hołu na čužoj placoŭcy dalej prajšło «Makabi».
A praz dva hady Chajfa trapiłasia ŭ supierniki pa Lizie čempijonaŭ da babrujskaj «Biełšyny». Biełarusy byli dvojčy bityja — 0:1, 0:4.
Letaś izrailcianie hulali ŭ hrupavym etapie Lihi čempijonaŭ. Prajhrali ŭsie matčy, ale nikomu biez boju nie sastupili. Voś taki składany supiernik dastaŭsia «Dynama».
U Izrail z kamandaj palacieŭ apalny paŭabaronca Anton Puciła. Heta pavinna było dać šancy biełarusam.
Ale nie los. Na 30‑aj chvilinie hruzinski napadajučy «Makabi» Uładzimir Dvališvili zabiŭ adziny ŭ hulnie hoł.
Zrešty, minimalnaje paražeńnie ŭ haściach pakidaje kamandzie Uładzimira Holmaka jakija‑nijakija šancy. Matč u adkaz adbudziecca praz tydzień u Minsku.
Kamientary