6 žniŭnia staršy śledčy pa asabliva važnych spravach Hienieralnaj prakuratury Śviatłana Bajkova, jakaja z 24 lutaha znachodzicca ŭ SIZA Kamiteta dziaržaŭnaj biaśpieki, prachodzić abśledavańnie i zdaje analizy ŭ špitali KDB.
Pra hetapaviedamiŭ jaje advakat Michaił Vołčak.
Jon spadziajecca, što zhodna z vynikami hetaha abśledavańnia jaho padabaronnuju abo špitalizujuć, abo vyzvalać
Michaił Vołčak skazaŭ, što ŭ suviazi z paharšeńniem stanu zdaroŭja Bajkovaj nakiravaŭ staršyni KDB Vadzimu Zajcavu i hienieralnamu prakuroru Ryhoru Vasileviču chadajnictva z prośbaj źmianić joj mieru strymańnia ŭ vyhladzie ŭtrymańnia pad vartaj na padpisku ab niavyjeździe dla atrymańnia terminovaj kvalifikacyjnaj miedycynskaj dapamohi ci źmiaścić abvinavačanuju Bajkovu ŭ miedycynskuju ŭstanovu dla akazańnia terminovaj kvalifikacyjnaj miedycynskaj dapamohi, kali ŭ źmianieńni miery strymańnia budzie admoŭlena.
Termin razhladu chadajnictva advakata zakančvajecca 6 žniŭnia.
Nahadajem, 24 červienia hienprakuror Ryhor Vasilevič pradoŭžyŭ termin utrymańnia pad vartaj Śviatłany Bajkovaj jašče na dva miesiacy — da 24 žniŭnia. Kryminalnyja spravy ŭ dačynieńni da jaje staršynia Kamiteta dziaržbiaśpieki Vadzim Zajcaŭ raspačaŭ 24 lutaha pa prykmietach sastavaŭ złačynstvaŭ, praduhledžanych artykułami 399 (niezakonnaje vyzvaleńnie ad kryminalnaj adkaznaści) i 426 (pieravyšeńnie ŭłady ci słužbovych paŭnamoctvaŭ) Kryminalnaha kodeksa. Im ža da śledčaha była prymieniena miera strymańnia ŭ vyhladzie zaklučeńnia pad vartu.
U suviazi z adsutnaściu dastatkovych dokazaŭ pradjaŭlenaha abvinavačańnia 23 krasavika ŭ pradaŭžeńni terminu ŭtrymańnia Bajkovaj pad vartaj hienprakuror admoviŭ, ale pry hetym termin praviadzieńnia papiaredniaha śledstva pa spravie pradoŭžyŭ pa 24 žniŭnia. 24 červienia ŭ Hienieralnaj prakuratury paviedamili, što śledstvam KDB pradstaŭleny fakty nieabhruntavanaha zatrymańnia, pryciahnieńnia ŭ jakaści abvinavačanych, zaklučeńnia hramadzian pad vartu, dapuščanych Bajkovaj u 2006–2007 hadach. Tamu termin jaje ŭtrymańnia pad vartaj byŭ pradoŭžany.
U KDB pradaŭžeńnie terminu ŭtrymańnia Bajkovaj pad vartaj rastłumačyli «nieabchodnaściu stvareńnia ŭmoŭ dla poŭnaha i abjektyŭnaha rasśledavańnia kryminalnaj spravy, u tym liku ŭstanaŭleńnia matyvaŭ i padstaŭ nieprymianieńnia mier adkaznaści, praduhledžanych zakanadaŭstvam, u dačynieńni da hałoŭnych arhanizataraŭ kantrabandnych kanałaŭ».
Ciapier čytajuć
Na poŭnačy Biełarusi isnavała vielizarnaje voziera — u 150 razoŭ bolšaje za Narač. Jano źnikła ŭ vyniku pryrodnaj katastrofy, ale ślady zaŭvažnyja i siońnia77
Kamientary