Jany prapanujuć źniščyć karupcyju i nazaŭsiody skončyć z vojnami pamiž siłavymi strukturami.
Hrupa veteranaŭ vajny ŭ Aŭhanistanie nakiravała list kiraŭniku Biełarusi Alaksandru Łukašenku, u jakim prosić dapamahčy ŭ stvareńni arhanizacyi «Bajavoje braterstva biaź miežaŭ».
Jana pavinna dapamahčy prezydentu źniščyć karupcyju i nazaŭsiody skončyć z vojnami pamiž siłavymi strukturami.
Tekst lista, raspaŭsiudžany ŭ šerahu ŚMI, cytuje rasiejskaja hazeta «Kommiersant». U liście havorycca, što kraina «pieratvarajecca ŭ pryvatnuju turmu, u pole bitvy złačynnych klanaŭ za svaje intaresy, za blizkaść da cieła prezydenta, što daje im mahčymaść biespakarana raskradać materyjalnyja kaštoŭnaści i sadžać u turmy svaich kankurentaŭ».
Asnoŭnuju prablemu veterany bačać u karupcyi, jakaja ŭdaryła pa siłavych strukturach:
«Vajna dziaržinstytutaŭ ułady, tym bolš centralnych viedamstvaŭ, miž saboj nanosić biassprečnuju škodu krainie i nie pakidaje im času na raskryćcio ciažkich złačynstvaŭ suprać hramadzianaŭ. MUS vyjaŭlaje złačynnyja elementy ŭ strukturach KDB, KDB adkazvaje im tym ža.Mytnia ŭ stanie vajny z prakuraturaj». U vyniku, pavodle aŭtaraŭ lista, supracoŭniki hetych viedamstvaŭ traplajuć u turmy, pamirajuć pry dziŭnych abstavinach, a niekatoryja vymušany chavacca za miažoj. U jakaści prykładu pryviedzienaja Śviatłana Bajkova.
Aficery ćvierdziać, što faktyčna krainaj kiruje niedatykalnaja banda złačyncaŭ, i papiaredžvajuć A.Łukašenku pra toje, što vakoł jaho «ściskajecca koła skvapnych prajdziśvietaŭ».
«Vy, źjaŭlajučysia nieprymirymym baraćbitom z karupcyjaj, znachodziciesia ŭ vialikaj niebiaśpiecy, i heta naściarožvaje. Nie stanie vas, usio heta razvalicca!» — źviartajucca aŭtary da Alaksandra Łukašenki.- My, veterany vajny, razumiejem, što vy adny ŭžo nia zmožacie pieramahčy hetu karupcyjnuju systemu, jakaja źničšaje dziaržaŭnaść, i prapanujem svaju dapamohu ŭ vyjaŭleńni i pakarańni złačynnych elementaŭ, jakija paralizavali ŭsiu dziaržaŭnuju systemu».
Dla hetaha aficery prapanujuć stvaryć arhanizacyju «Bajavoje braterstva biaź miežaŭ», jakaja budzie składacca z veteranaŭ bajavych dziejańniaŭ i dapamoža navieści ŭ krainie paradak.
List ad imia veteranaŭ padpisaŭ pałkoŭnik Uładzimier Baradač. Jon paviedamiŭ, što svaje podpisy pastavili 15 aficeraŭ.
Ciapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ24
Kamientary