Vysokija ceny na cyharety ŭ Litvie prymušajuć kurcoŭ rabić samakrutki.
Praz toje, što ŭ minułym hodzie ŭ Litvie dvojčy — viasnoj i vosieńniu — pavyšalisia akcyzy na cyharety, a taksama ŭzros PDV, cyharety padaraželi za hod na 26 pracentaŭ. A voś ceny na samakrutačny tytuń nie raśli ni ŭ hetym, ni ŭ minułym hodzie.
Jak piša hazieta «Letuvos ritas», kurcy ŭsio čaściej pierachodziać na samakrutačny tytuń, akcyz na jaki nie mianiaŭsia. Pavodle danych Dziaržaŭnaj padatkovaj inśpiekcyi, kali ŭ pieršym paŭhodździ 2009 hoda było pradadziena 678 kh tytuniu, to ŭ pieršym paŭhodździ biahučaha — 722 kh. Rost popytu na samakrutačny tytuń adznačajuć i pradstaŭniki handlovych arhanizacyj, naprykład, u adnoj z bujnych handlovych sietak popyt za pieršaje paŭhodździe vyras na 30 pracentaŭ.
Kamientary