Pierad samitam ADKB Alaksandr Łukašenka pravioŭ dva dni ŭ haściach u Robierta Kačarana.
Pierad samitam ADKB Alaksandr Łukašenka pravioŭ dva dni ŭ haściach u Robierta Kačarana.
Alaksandr Łukašenka prylacieŭ u Armieniju zahadzia. U supravadžeńni svajho starejšaha syna Viktara jon naviedaŭ byłoha prezidenta krainy Robierta Kačarana. Pra heta paviedamiła armianskaja hazeta «Žamanak». Dla radyjo «Svaboda» hetuju infarmacyju paćvierdziŭ pres-sakratar Kačarana. Miarkujecca, što sustreča adbyłasia na voziery Sievan, dzie pierabyvaŭ Kačaran. Dakładnych źviestak pra miesca i tematyku sustrečy pres-sakratar nie paviedamiŭ.
Naziralniki nie vyklučajuć, što Łukašenka prasiŭ pra pasiarednictva Kačarana dla narmalizacyi adnosinaŭ z Rasijaj, jakija dajšli da punktu kipieńnia. «Nie vyklučana, što pry dapamozie Kačarana Łukašenka sprabuje sustrecca z prezidentam Rasiei Dźmitryjem Miadźviedzievym, — vykazvaje hipotezu «Žamanak». — Heta nie pieršy vypadak, kali Łukašenka ź nieaficyjnym vizitam pryjazdžaje ŭ hości da Kačarana. Minułym razam, kali Łukašenka prybyŭ u Armieniju (tady jaho supravadžaŭ małodšy syn Kola), jany razam nakiravalisia ŭ Cachkadzor, dzie ŭsupoł z Kačaranam koŭzalisia na łyžach», — nahadaje hazieta.
Samit ADKB pačaŭsia ŭ Jerevanie 20 žniŭnia.
Stała viadoma, čamu pieramožca biełaruskaha adboru «Mis Suśviet» nie jedzie na konkurs. Jana znajšłasia ŭ SIZA9
Kamientary