Šeść biskupaŭ źjeducca na fest Maci Božaj Vaładarki Azioraŭ
Uračystaści adbuducca ŭ Brasłavie 21 i 22 žniŭnia.
Uračystaści adbuducca ŭ Brasłavie 21 i 22 žniŭnia.
Sioletnija ŭračystaści ŭ sanktuaryi Maci Božaj Vaładarki Azioraŭ u Brasłavie abiacajuć być nasyčanymi. U ich prahramie — zaviaršeńnie śviatkavańnia 10-hodździa isnavańnia Viciebskaj dyjacezii Rymska-katalickaj carkvy ŭ Biełarusi, pieršaja hadavina karanacyi papskimi karonami abraza Maci Božaj Vaładarki Azioraŭ, V dyjacezijalnaja sustreča moładzi, IV miždyjacezijalnaja pilihrymka siemjaŭ i adnaŭleńnie suženskich abiacańniaŭ.
Na ŭračystaści zaprošany biełaruskija i zamiežnyja vierniki i dušpastyry, u tym liku biskup Viciebski Uładzisłaŭ Blin, dapamožny biskup Minska-Mahiloŭskaj archidyjacezii Antonij Dziam`ianka, apostalski vizitatar dla hreka-katolikaŭ Biełarusi archimandryt Siarhiej Hajek, ardynaryj dyjacezii śviatoha Juzafa ŭ Irkucku (Rasija) biskup Kirył Klimovič, dapamožny biskup Hnieźnienskaj archidyjacezii (Polšča) Vojciech Polak, biskup Antonij Kosa (Małdova), dapamožny biskup Adeska-Simfieropalskaj dyjacezii (Ukraina) Piotr Malčuk, pieršy sakratar apostalskaj nuncyjatury ŭ Biełarusi ksiondz-prełat Kryśpin Dubiel, konsuł pasolstva Polščy ŭ Biełarusi Maryjoła Vujcik, a taksama pradstaŭniki manaskaj supolnaści tavarystva Boskaha Zbaŭcy (salvataryjanaŭ) — hienieralny konsuł salvataryjanaŭ ksiondz Branisłaŭ Jakubiec (Rym) i pravincyjał salvataryjanaŭ z Krakava (Polšča) ksiondz Piotr Fiłas.
Zaviaršeńnie ŭračystaściaŭ budzie pryśviečana suženstvu i siamji. Pavodle jaho słoŭ, biskup Viciebski Uładzisłaŭ Blin nieadnojčy adznačaŭ, što hramadstva budzie mocnym, kali budzie mocnaju siamja. Mienavita tamu ŭ hetyja dni ŭ Brasłavie źbiarucca siemji z roznych kutkoŭ Biełarusi, kab adnavić svaje suženskija abiacańni,paviedamiŭ adkazny za ŚMI pry sakrataryjacie Kanfierencyi katalickich biskupaŭ u Biełarusi ajciec Alaksandr Ułas.
Stała viadoma, čamu pieramožca biełaruskaha adboru «Mis Suśviet» nie jedzie na konkurs. Jana znajšłasia ŭ SIZA9
Kamientary