Viciebskaja pravaabaronca Volha Karač stała laŭreatkaj mižnarodnaj Radebojlskaj premii «Za mužnaść».
Premija nazvanaja ŭ honar niamieckaha miastečka Radebojl (pryharad Drezdena), dzie ŭ 1645 hodzie było padpisana pieramirje, i takim čynam pakładzieny kaniec tryccacihadovaj vajnie (1618–1648) — adnamu ź pieršych mižeŭrapiejskich kanfliktaŭ.
Ad 2004, raz na dva hady, Radebojlskaja premija mužnaści prysudžajecca hramadzkamu dziejaču z Centralnaj, Uschodniaj i Paŭdniova-Uschodniaj Eŭropy za zasłuhi ŭ spravie abarony hramadzkich intaresaŭ, achovy pryrody i pravoŭ čałavieka. Pavodle arhanizataraŭ konkursu, sioletniaja laŭreatka viadomaja ŭ siabie na radzimie jak aŭtarka prajektu, nakiravanaha na zachavańnie pravavoj zakonnaści, a taksama na raźvićcio hramadzianskaj supolnaści ŭ składanych umovach. U minułyja hady laŭreatami premii taksama byli pradstaŭniki Biełarusi: žurnalist Alaksiej Karol i pravaabaronca Aleh Vołčak. Sioletniaja cyrymonija ŭručeńnia premii, pamier jakoj składaje JEVRO () 5000, pa tradycyi adbudziecca ŭ znakamitaj staradaŭniaj radebojlskaj Carkvie Miru pry kancy tydniu.
Kamientary