Rok-muzyka vystupić ź imi na fołk-feście «Kamianica».
Rok-muzyka vystupić ź imi na fołk-feście «Kamianica».
«Kamianica» adbudziecca 4 vieraśnia ŭ Muziei narodnaj architektury i pobytu.
Akramia chedłajnieraŭ, «Trojcy» i «Pałaca», u Stročycach vystupiać hurty «Małanka Arkiestr», Akana, «Ban-Žvirba» i GUDA. Akramia hetaha płanujucca vystupy maładych kalektyvaŭ, a taksama narodnyja hulni i zabavy.
«My žadajem pakazać roznyja baki sučasnaj biełaruskaj fołk-kultury, tamu na feście buduć nie tolki archaičnyja śpievy i tuha, ale i sučasnyja ekśpierymienty i šmat pazityvu, — raspaviadaje kaardynatar festu Siarhiej Čahryniec. — Taksama naviedvalniki buduć mieć mahčymaść ahledzić usiu ekspazicyju muzieju i prosta dobra pašpacyravać siarod łuhoŭ i aŭtentyčnych draŭlanych zabudoŭ 18-20 stahodździaŭ».
U hetym hodzie fest taksama raspačynaje tradycyju zaprašeńnia admysłovych haściej. Viadomyja vykanaŭcy ź inšych muzyčnych napramkaŭ buduć u miežach festu śpiavać narodnyja pieśni. Pieršym ź ich budzie rok-muzyka Lavon Volski.
«Zaprašeńnie było dosyć niečakanym, ale tym bolš cikavym, — pryznajecca Volski. — Budziem prezientavać nievialikuju admysłovuju prahramu z akustyčnymi instrumientami. Spadziajusia, što fołk-dziejačy nie raskrytykujuć naš ekśpierymient».
Darečy, dajechać sioleta da festu budzie značna praściej. Ad prypynku «Malinaŭka-6» (skryžavańnie vulic Hromava i Słabadskoj) da muzieju i ad jaho z 13 da 22 hadzin budzie jeździć biaspłatnaje maršrutnaje taksi. Akramia taho možna budzie dajechać aŭtobusam №203 ad aŭtastancyi «Paŭdniova-Zachodniaja», jaki ŭ hety dzień budzie chadzić čaściej i paźniej, čym zvyčajna.
Kvitki: 6300 rub. dla darosłych, 3150 rub. dla školnikaŭ. Usie srodki ad prodažu pojduć na rachunki muzieju.
«Ja pryjechała ŭ 4:50 i była ŭ čarzie 77-ja». Jak ryełtarka nabyvała dla siabroŭki kvateru ŭ elitnym ŽK Minska9
Kamientary