ZŠA ŭviali novyja sankcyi suprać Paŭnočnaj Karei, imknučysia pazbavić uładnyja viarchi hetaj krainy prytoku darahich i elitnych tavaraŭz-za miažy.
Prezydent ZŠA Barak Abama vydaŭ uradu rasparadžeńnie abmiežavać zamiežnyja handlovyja kantakty paŭnočnakarejskaha «Biuro 39». «Biuro 39» źjaŭlajecca biznesovym adździaleńniem Pracoŭnaj partyi Karei i zajmajecca zarablańniem ćviordaj valuty dy zakupam darahich tavaraŭ — zachodniaha alkaholu, charčovych praduktaŭ i aŭtamabilaŭ — dla raźmierkavańnia siarod kirujučaj elity Paŭnočnaj Karei i prybližanych da karejskaha lidera Kim Čen Ira.
Miarkujecca, što sam Kim Čen Ir źjaŭlajecca vialikim amataram darahoha zachodniaha alkaholu i ŭ svaim pryvatnym sklepie maje nia mienš za 10 tysiač butelek roznych hatunkaŭ viski dy kańjakoŭ. Pavodle paviedamleńniaŭ u presie, jahonym ulubionym hatunkam viski źjaŭlajecca «Johnnie Walker Swing», a kańjaku — «Hennessy XO».
Adnačasova Ministerstva finansaŭ ZŠA ŭviało
«Nam treba pasłać syhnał u Paŭnočnuju Kareju, što pravakacyjnyja pavodziny buduć karacca. Sankcyi skiravanyja nia suprać narodu Paŭnočnaj Karei, a suprać jaho lideraŭ» —siońniašniaja vydańnie International Herald Tribune cytuje Roberta Ejnharna, daradcy Dziarždepartamentu ZŠA ŭ pytańniach kantrolu za ŭzbrajeńniami i raspaŭsiudžańniem jadziernaj zbroi.
U liście Kanhresu ZŠA prezydent Barak Abama rastłumačyŭ, što novyja amerykanskija sankcyi ŭvodziacca ŭ adkaz na zatapleńnie Pcheńjanam paŭdniovakarejskaha karvetu z 46 matrosami ŭ sakaviku sioleta, jadziernyja vyprabavańni i zapuski balistyčnych rakietaŭ u Paŭnočnaj Karei dy šerah inšych nielehalnych dziejańniaŭ Pcheńjanu.
Suprać Paŭnočnaj Karei z 2009 hodu dziejničajuć sankcyi AAN i mižnarodnaje embarha na handal zbrojaj z hetaj krainaj. U 2008 hodzie Paŭdniovaja Kareja prypyniła ekanamičnuju dapamohu svajoj paŭnočnaj susiedcy.
Ciapier čytajuć
Mižnarodny kryminalny sud pačaŭ rasśledavańnie złačynstvaŭ, ździejśnienych režymam Łukašenki25
Kamientary