Realizacyja harełki ŭ Biełarusi ŭ studzieni—žniŭni 2010 hoda źniziłasia na 2,1% u paraŭnańni z anałahičnym letašnim pieryjadam.
Pavodle źviestak Biełstata, prodaž harełki skłaŭ 7 młn. 339,1 tys. dał, a jaje častka ŭ ahulnym abjomie spažyvańnia ałkaholu — 43,6% (u studzieni—žniŭni 2009 hoda — 46,8%). Skaračeńnie realizacyi harełki adznačajecca z kastryčnika 2009 hoda.
Dola realizacyi ałkaholnaj pradukcyi ŭ ahulnym abjomie roźničnaha tavaraabarotu ŭ studzieni—žniŭni skłała 12,3%. Na spažyvieckim rynku realizavana ałkaholnych napojaŭ i piva na sumu 3 trłn. 923,5 młrd. rubloŭ.
Piva za vosiem miesiacaŭ hoda pradadziena na 23 młn. 31,8 tys. dał, što na 23,5% bolš, čym za taki ž pieryjad 2009 hoda. Jaho častka ŭ ahulnym abjomie spažyvańnia ałkaholu skłała 13,7% (u studzieni—žniŭni 2009 hoda — 11,6%).
Likiora-harełačnych vyrabaŭ realizavana na 1 młn. 78,2 tys. dał (na 29,7% bolš), vinahradnych vin — 1 młn. 917,2 tys. dał (na 16,6% bolš), pładovych vin — 11 młn. 532,5 tys. dał (na 4% bolš). Pładovyja viny zaniali 30,9% u abjomie prodažu ałkaholnaj pradukcyi (u studzieni—žniŭni 2009 hoda — 31,1%).
Kańjaku i brendzi pradadziena 174,2 tys. dał (na 23,6% bolš), ihrystych vin i šampanskaha — 734,3 tys. dał (na 7,7% bolš), słabaałkaholnych napojaŭ — 902,1 tys. dał (na 5,1% mienš).
Kamientary