Prakapovič dakazvaje, što z valutaj usio ŭ paradku

Staršynia praŭleńnia Nacyjanalnaha banka Biełarusi Piotr Prakapovič paćviardžaje płany Nacbanka pa naroščvańniu zołatavalutnych reziervaŭ u biahučym hodzie. U paniadziełak Alaksandr Łukašenka pryniaŭ z dakładam Piatra Prakapoviča. Kiraŭnik dziaržavy byŭ prainfarmavany ab vynikach vykanańnia Asnoŭnych napramkaŭ hrašova-kredytnaj palityki Biełarusi ŭ studzieni-žniŭni 2010 hoda.

Usie asnoŭnyja pakazčyki hrašova-kredytnaj palityki ŭ Biełarusi pa vynikach vaśmi miesiacaŭ vykonvajucca. Kurs nacyjanalnaj valuty da karziny zamiežnych valut zastajecca stabilnym, zachoŭvajucca vysokija tempy kredytavańnia ekanomiki, pracentnaja palityka adpaviadaje Asnoŭnym napramkam hrašova-kredytnaj palityki, efiektyŭna pracuje płaciežnaja sistema. Usio heta stvaraje bazu dla ŭstojlivaha raźvićcia biełaruskaj ekanomiki.

Tak, kurs biełaruskaha rubla da karziny zamiežnych valut za studzień-žnivień źmienšyŭsia tolki na 0,29 pracenta pry zapłanavanym na hod kalidory vahańniaŭ u miežach ±10 pracentaŭ.

«Ustojlivaść našaj nacyjanalnaj valuty, stabilnaść kursavoj palityki zasnavany nie tolki na paśpiachovaj rabocie našaj ekanomiki, ale i na tym, što my majem dastatkova zołatavalutnych reziervaŭ», — prainfarmavaŭ Prezidenta Piotr Prakapovič. Na 1 vieraśnia zołatavalutnyja reziervy Biełarusi skłali $6055 młn. U paraŭnańni z pačatkam minułaha hoda heta ŭ 1,7 raza bolš. Staršynia praŭleńnia Nacbanka rastłumačyŭ, što rostu zołatavalutnych reziervaŭ sadziejničaje pavieličeńnie valutnaj vyručki biełaruskich pradpryjemstvaŭ, jakaja ŭ biahučym hodzie bolš jak na 20 pracentaŭ (abo na $2,5 młrd.) pieravyšaje pakazčyk minułaha hoda. Kiraŭnik Nacbanka zapeŭniŭ Prezidenta, što płany pa napaŭnieńniu zołatavalutnych reziervaŭ buduć vykonvacca i ŭ dalejšym. Nahadajem, u biahučym hodzie ŭ adpaviednaści z Asnoŭnymi napramkami hrašova-kredytnaj palityki jany pavinny pavialičycca na $0,5 młrd.-1,8 młrd.

Taksama Nacyjanalnym bankam Biełarusi praviedziena vialikaja rabota pa źnižeńniu pracentnych stavak. Naprykład, staŭka refinansavańnia ŭ biahučym hodzie źnižałasia ŭžo 6 razoŭ. Z 15 vieraśnia jana składaje 10,5 pracenta hadavych. Adpaviedna, źnižajucca i pracentnyja staŭki pa kredytach.

Alaksandr Łukašenka zapatrabavaŭ ad Nacyjanalnaha banka i ŭ dalejšym zabiaśpiečvać stabilnuju rabotu bankaŭskaha siektara krainy, u tym liku situacyju na valutnym rynku, u kursavoj palitycy, u kredytavańni. Asablivuju ŭvahu kiraŭnik dziaržavy akcentavaŭ na nieabchodnaści adšukvać mahčymaści źnižeńnia stavak pa kredytach dla nasielnictva.

• 0
• 0
• 0
• 0
• 0
• 0
• 0
• 0