Kolkaść starych aŭtamabilaŭ, što ŭvoziacca ŭ Biełaruś, płanujecca skaracić

Dadatkovyja zachady pa skaračeńni kolkaści ŭvozimych u Biełaruś starych aŭtamabilaŭ buduć pryniaty ŭ bližejšy čas, paviedamiŭ načalnik upraŭleńnia rehulavańnia ŭździejańnia na atmaśfiernaje pavietra i vodnyja resursy Ministerstva pryrodnych resursaŭ i achovy navakolnaha asiarodździa Biełarusi Siarhiej Zaŭjałaŭ.

Pradstaŭnik Minpryrody nahadaŭ, što ŭ Biełarusi dla aŭtamabilaŭ, starejšych za 14 hadoŭ, raniej byli ŭviedzieny śpiecyjalnyja ŭvaznyja pošliny, dziakujučy čamu takoha transpartu ŭ krainie stała namnoha mienš. Ciapier ekołahi i transpartniki rychtujuć novyja miery dla skaračeńnia kolkaści starych aŭtamabilaŭ. «Siarod pieršačarhovych zadač u hetym napramku — padzieł aŭtamabilaŭ na ekałahičnyja kłasy», — raskazaŭ surazmoŭcak. Takich kłasaŭ budzie šeść, u zaležnaści ad vykidaŭ zabrudžvalnych rečyvaŭ. Uvoz aŭtamabilaŭ nizkich ekałahičnych kłasaŭ płanujecca abmiežavać, u tym liku za košt śpiecyjalnych mytnych płaciažoŭ.

Pavodle słoŭ Siarhieja Zaŭjałava, kolkaść uvozimych starych mašyn źmienšycca i paśla ŭnifikacyi biełaruskich uvaznych pošlin na aŭtatranspart z rasijskimi ŭ ramkach Mytnaha Sajuza. «Adnak usio heta pakul pierahavorny praces, ab kankretnych miechanizmach havaryć pakul rana», — padkreśliŭ jon.

Pavodle źviestak Minpryrody na 1 studzienia hetaha hoda, aŭtamabilny park Biełarusi naličvaŭ 3,4 młn. transpartnych srodkaŭ, što na 4,8% bolš u paraŭnańni z uzroŭniem na anałahičnuju datu 2009 hoda. U minułym hodzie ŭ krainu ŭvieziena 174,7 tys. aŭtamabilaŭ, ź jakich 11,8% — uzrostam da 3 hadoŭ,

28% — ad 3 da 7 hadoŭ, bolš za 60% — zvyš 7 hadoŭ.

Park lehkavych aŭtamabilaŭ vytvorčaści krain SND źmienšyŭsia ŭ paraŭnańni z uzroŭniem 2008 hoda na 19,6 tys. adzinak, abo na 2,7%. Źnizilisia abjomy spažyvańnia aŭtamabilnaha paliva, u tym liku bienzinu — na 1,9%, dyzpaliva — na 6,6%.

U siarednim pry prabiehu 15 tys. km u hod aŭtamabilem spalvajecca bolš za 2 t paliva i spažyvajecca kala 30 t pavietra. Pry hetym u atmaśfieru vykidvajecca kala 700 kh čadnaha hazu, 400 kh dyaksidu azotu, 230 kh vuhlevadarodaŭ i inšych zabrudžvalnych rečyvaŭ, ahulnaja kolkaść jakich składaje bolš za 200 najmieńniaŭ. Bolš za ŭsio ad takich vykidaŭ cierpiać prydarožnyja pałosy. Ekałahičny manitorynh vyjaviŭ tendencyju pavieličeńnia stupieni zabrudžvańnia hleby na takich učastkach, što abumoŭlena pavieličeńniem intensiŭnaści ruchu transpartu na darohach. Najbolšaje zabrudžvańnie hleby i raślinnaści zafiksavana ŭ 10-mietrovaj prydarožnaj pałasie. U suviazi z hetym zona da 10 m ad darohi pavinna być całkam vyklučana ź sielhasvykarystańnia.

• 0
• 0
• 0
• 0
• 0
• 0
• 0
• 0