Hrodzienskaja milicyja adklikała sudovuju spravu Astroŭskich i Chilmanoviča
Ich musili sudzić za patrabavańniem stvaryć u Hrodnie biełaruskamoŭny kłas.
Ich musili sudzić za patrabavańniem stvaryć u Hrodnie biełaruskamoŭny kłas.
23 vieraśnia ŭ sudzie Leninskaha rajonu Hrodna musiła razhladacca administracyjnaja sprava ŭ dačynieńni da vykładčyka Hrodzienskaha dziaržaŭnaha miedycynskaha ŭniviersiteta, prafiesara Alesia Astroŭskaha, jaho žonki Aksany i hrodzienskaha žurnalista Uładzimira Chilmanoviča. Ich vinavacili ŭ arhanizacyi i praviadzieńni niesankcyjanavanaha pikieta. 2 vieraśnia 2010 jany vyjšli pad vokny harvykankamu z patrabavańniem stvaryć u Hrodnie biełaruskamoŭny kłas. Astroŭskija i Chilmanovič atrymali pozvy na 10.00 u 33-ci kabiniet. Adnak učora, paviedamiła Aksana Astroŭskaja, im patelefanavała žančyna, jakaja pradstaviłasia sakratarom Leninskaha sudu. Jana paviedamiła, što hrodzienskaja milicyja adklikała sudovuju spravu, tamu pasiedžańnie ŭ sudzie nie adbudziecca. Astroŭskija vyrašyli pierastrachavacca i ŭsio ž źjavilisia ŭ sud. Sudździa Natalla Kozieł, jakaja musiła razhladać ich spravu, paŭtaryła skazanaje pa telefonie sakratarom. Pa jaje słovach, sudovaj spravy ŭ jaje niama, pryčynaŭ adklikańnia jana nie viedaje. Takasama nieviadoma, ci budzie pryznačanaja novaja data sudu, i ci budzie jon uvohule.
Nahadajem, što pikiet Astroŭskich i Chilmanoviča mieŭ i pazityŭnyja nastupstvy. Dačka Astroŭskich budzie vučycca pa-biełarusku. Bolšaść pradmietaŭ joj buduć vykładać na rodnaj movie indyvidualna, reštu — pa-rasijsku i razam ź inšymi dziećmi.
Ciapier čytajuć
Analityk Hienštaba, jaki malavaŭ kartu «adkul rychtavałasia napadzieńnie», apynuŭsia ŭ SIZA KDB za pracu na ŭkrainskuju raźviedku12
Kamientary