Nobeleŭski laŭreat z Banhladeš maje zasnavać partyju
Machamed Junus, sioletni nobeleŭski laŭreat u halinie miru, abvieściŭ, što maje namier zasnavać palityčnuju partyju ŭ rodnym Banhladeš.
Machamed Junus, sioletni nobeleŭski laŭreat u halinie miru, abvieściŭ, što maje namier zasnavać palityčnuju partyju ŭ rodnym Banhladeš. «Pry nahodzie ja planuju stvaryć ruch, jaki pierad vybarami ŭ studzieni pakaža zdolnych i sumlennych ludziej», – skazaŭ jon. U krainie praciahvajecca palityčny kryzis, bo apazycyja i kirujučaja hrupa nia zdolnyja parazumiecca ŭ spravie časovaha ŭradu, jaki pavinien padrychtavać krainu da vybaraŭ.
Ciapierašniaja hrupa, jakoj kiruje Behum Chaleda Zija z Nacyjanalistyčnaj Partyi Banhladeš, pavinna syści da kanca miesiaca. Na dumku naziralnikaŭ za banhladeskaj palityčnaj scenaj, prafesar Junus, adziny ŭ krainie nobeleŭski laŭreat, byŭ by idealnym kandydatam na kiraŭnika časovaj hrupy.
Nobeleŭski laŭreat, jaki dziakujučy h.zv. mikrapazykam dapamoh niekalkim miljonam suajčyńnikaŭ vybracca ź niastačy, nie prymaje hetaje idei. U paniadziełak jon źviarnuŭsia da palitykaŭ z zaklikam da jednaści i supracoŭnictva ŭ padrychtoŭcy da vybaraŭ.
Kamientary