Махамэд Юнус, сёлетні нобэлеўскі ляўрэат у галіне міру, абвесьціў, што мае намер заснаваць палітычную партыю ў родным Банглядэш.
Махамэд Юнус, сёлетні нобэлеўскі ляўрэат у галіне міру, абвесьціў, што мае намер заснаваць палітычную партыю ў родным Банглядэш. «Пры нагодзе я пляную стварыць рух, які перад выбарамі ў студзені пакажа здольных і сумленных людзей», – сказаў ён. У краіне працягваецца палітычны крызіс, бо апазыцыя і кіруючая група ня здольныя паразумецца ў справе часовага ўраду, які павінен падрыхтаваць краіну да выбараў.
Цяперашняя група, якой кіруе Бэгум Халеда Зія з Нацыяналістычнай Партыі Банглядэш, павінна сысьці да канца месяца. На думку назіральнікаў за банглядэскай палітычнай сцэнай, прафэсар Юнус, адзіны ў краіне нобэлеўскі ляўрэат, быў бы ідэальным кандыдатам на кіраўніка часовай групы.
Нобэлеўскі ляўрэат, які дзякуючы г.зв. мікрапазыкам дапамог некалькім мільёнам суайчыньнікаў выбрацца зь нястачы, не прымае гэтае ідэі. У панядзелак ён зьвярнуўся да палітыкаў з заклікам да еднасьці і супрацоўніцтва ў падрыхтоўцы да выбараў.
Цяпер чытаюць
Купля кватэры праз кааператыў замест іпатэкі: як працуе сістэма, падобная да піраміды, і што кажуць удзельнікі і эксперт2
Каментары