Zachvareŭ? Nie lažy ŭ łožku

«NN» sabrała dzieviać pašyranych pamyłak pry ahulnaviadomym zachvorvańni.

1. Zachvareŭ? Lažy ŭ łožku

Taki pryncyp pracuje tolki ŭ tym vypadku, kali chvaroba nabrała abarotaŭ: z tempieraturaj, kvołaściu i inšymi simptomami sapraŭdnaha hrypu. Kali ž havorka idzie pra zvyčajnuju prastudu, to lepš nie imknucca jaje «pieralažać» — heta dadatkovaja nahruzka na lohkija i bronchi. Tym bolš, što rassłableńnie arhanizma spraščaje zadaču dla virusaŭ.

2. Papju antybijotykaŭ, i ŭsio projdzie

Antybijotyki nie pryznačanyja dla lačeńnia virusaŭ, a tym bolš prastudy, imi lečacca ŭskładnieńni. A zvyčajny pryjom antybijotykaŭ — heta prosta mocny ŭdar pa arhaniźmie. Padčas prastudy lepš za ŭsio prosta «źniać» simptomy — kašal, nasmark, bol u horle.

3. Kropli ŭ nos

Zrazumieła, što lepšaha vyjścia pry nasmarku, čym kropli ŭ nos, nie znajści. Ale, jak usie miedpreparaty, jany majuć peŭnyja asablivaści. Hałoŭnaja ź ich: kali ŭžyvać kropli doŭha, to jość vierahodnaść atrymać zaležnaść ad ich.

4. Kali adrazu źbić tempieraturu, jana bolš nie źjavicca

Daktary nie rajać štučna źnižać tempieraturu, kali jana nie vyšejšaja za 38,5. Lepš za ŭsio dapamahaje pry pavyšanaj tempieratury chałodny kampres na łob.

5. Nie varta mycca

Zvyčajna ličycca, što chvory čałaviek, jaki prymaje vannu, maje ryzyku pahoršyć svoj stan, prastudzicca jašče macniej, ale heta nie tak. Vada, naadvarot, vyvodzić praz skuru taksiny, jakich padčas chvaroby źjaŭlajecca šmat. Hałoŭnaje — nie mierznuć pry vychadzie z vanny.

6. Časnok i cybulu ŭ nos

Časnok i cybulu možna i navat varta jeści. Ale rabić ź jaho kropli ŭ nos mała taho što niepryjemna, dyk jašče i škodna, bo apiakajecie ślizistuju. Voś źjeści troški časnaku dla prafiłaktyki karysna, ale nie treba złoŭžyvać.

7. Bańki ŭratujuć

Jašče adna tradycyja, pra jakuju lepš zabyć, — stavić bańki. Heta nie tolki niazručna, ale i škodna: pryliŭ kryvi da lohkich zabiaśpiečyć paharšeńnie ich pracy, a lohkija padčas prastudy i biez baniek asłablenyja. Jość praściejšyja i sučaśniejšyja mietady lekavańnia.

8. Zadušyš kašal — atrymaješ pnieŭmaniju

Hetak byvaje, ale z adnoj, važnaj ahavorkaj: kali čałaviek pakutuje na chraničnaje lohačnaje zachvorvańnie. Astatnija mohuć śmieła dušyć kašal, asabliva suchi — jon razdražniaje ślizistuju, tamu nanosić škodu.

9. Kab adnavić siły — treba šmat jeści

Naadvarot, arhanizm padčas chvaroby časta admaŭlajecca ad ježy, a my pichajem jaje ŭ siabie. Reč u tym, što siły, jakija arhanizm zvyčajna vykarystoŭvaje dla stravavańnia, padčas chvaroby pierakidvajucca na baraćbu ź virusam. Tamu ješcie štości lohkaje, kštałtu sadaviny. Tłustaje i vostraje, lišnija tłuščy i białki lepš adkłaści.

• 0
• 0
• 0
• 0
• 0
• 0
• 0
• 0