Budapešt paśla biesparadkaŭ: 128 paranienych, u tym liku 8 ciažka
Paśla sutyčak palicyi z demanstrantami ŭ paniadziełak viečaram i ŭ noč na aŭtorak sytuacyja ŭ Budapešcie pad ranicu supakoiłasia. Praciŭniki sacyjalistyčna-liberalnaha ŭradu praciahvali manifestacyi.
Paśla sutyčak palicyi z demanstrantami ŭ paniadziełak viečaram i ŭ noč na aŭtorak sytuacyja ŭ Budapešcie pad ranicu supakoiłasia. Adździeły palicyi, užyvajučy vodnyja harmaty i ślezaciečny haz, razahnali ŭnačy radykalnych praciŭnikaŭ sacyjalistyčna-liberalnaha ŭradu.
Da chvalavańniaŭ dajšło ŭ dzień, kali Vuhorščyna śviatkavała 50-ju hadavinu antysavieckaj revalucyi 1956 h.
Pavodle ratavalnych słužbaŭ, 128 čałaviek było paraniena, siarod ich vosiem ciažka. Palicyja papiarednie paviedamlaje, što było zatrymana kala sto ŭdzielnikaŭ pratestaŭ.
U paniadziełak na praciahu dnia ŭ Budapešcie pratestavała kala sotni tysiačaŭ ludziej. Palicyja vykarystała vodnyja harmaty, ślezaciečny haz, a paśla taho, jak demanstranty zakidali jaje kamianiami, užyła ŭ adkaz humovyja kuli. Viečaram demanstranty zdoleli pryvieści ŭ ruch braniravany tank ź dziejučaj pad adkrytym niebam vystavy, pryśviečanaj revalucyi 1956 h. Palicyja zatrymała tank.
Jak paviedamlajuć ahiencyi, unačy lik demanstrantaŭ skaraciŭsia da niekalkich socień čałaviek, jakija pradstaŭlali ŭ asnoŭnym krajnich pravych. Paśla apoŭnačy demanstranty namahalisia pry dapamozie mašyny prabicca praz kardon palicyi. Adnak palicyja nie dapuściła viartańnia natoŭpu ŭ centar horadu. A hadzinie 6:30 na vulicach i centralnym Moście Alžbety – miescach sutyčak – byŭ adnoŭleny ruch.
Kamientary