Perspektyvy dalejšaha supracoŭnictva Biełarusi ź Mižnarodnym valutnym fondam abmiarkoŭvalisia 8 listapada ŭ administracyi prezydenta Biełarusi.
Namieśnik kiraŭnika administracyi prezydenta Biełarusi Leanid Anfimaŭ sustreŭsia z daradcam aperatyŭnaha ofisu MVF pa rehijonie Eŭropy, kiraŭnikom misii MVF u Biełarusi Krystaferam Džarvisam, a taksama stałym pradstaŭnikom MVF u Biełarusi Natallaj Kaladzinaj.
Na sustrečy abmiarkoŭvalisia pytańni biahučaha sacyjalna-ekanamičnaha raźvićcia Biełarusi i plany na 2011—2015 hady.
Ahladnaja misija MVF pačała pracu ŭ Miensku 3 listapada. Eksperty prabuduć u Biełarusi da 16 listapada.
U pradstaŭnictvie MVF u Miensku paviedamili: heta štohadovaja misija, meta jakoj — ahlad ekanamičnaj palityki za papiaredni hod i abmierkavańnie z uładami palityki na budučy hod i siarednieterminovuju perspektyvu. U pryvatnaści, baki abmiarkujuć pytańni hrašova-kredytnaj, padatkova-biudžetnaj palityki i palityki valutnaha kursu.
U pradstaŭnictvie MVF adznačajuć, što pytańnie pra novuju prahramu kredytavańnia ŭ ramkach pracy misii abmiarkoŭvać nie planujecca.
U 2009—2010 hadach Biełaruś atrymała piać tranšaŭ kredytu MVF pa prahramie stand-by. Ahulnaja suma srodkaŭ, vydzielenych fondam u ramkach stabilizacyjnaj prahramy, skłała kala 3,46 młrd. dalaraŭ.
Z prośbaj ab novym kredycie ŭ ramkach prahramy stand-by kiraŭnictva Biełarusi da MVF pakul nie źviartałasia.
Ciapier čytajuć
Mikoła Statkievič pavinšavaŭ biełarusaŭ z Dniom Voli, zapisaŭšy pieršaje VIDEA paśla vyzvaleńnia6
Kamientary