Najmienšuju kolkaść podpisaŭ pryznali ŭ Ryhora Kastusiova – 101 001 podpis.
10 z 11 patencyjnych kandydataŭ na pasadu prezidenta Biełarusi pradstavili ŭ vybarčyja kamisii nieabchodnyja dla rehistracyi 100 tysiač jakasnych podpisaŭ.
Pra heta paviedamiŭ sakratar CVK Mikałaj Łazavik. Tolki pradprymalnik ź Viciebska Uładzimir Pravalski nie spraviŭsia z zadańniem — jon nie pradstaviŭ navat adnu tysiaču aryhinalnych podpisaŭ u svaju padtrymku.
Najbolšuju kolkaść jakasnych podpisaŭ akazałasia ŭ Alaksandra Łukašenki — 1 miljon 110 tysiač 291 podpis, najmienšaja — u Ryhora Kastusiova — 101 001 podpis.
Takim čynam, pa vynikach pravierki sabranych podpisaŭ u prezidenckaj kampanii praciahvajuć ŭdzielničać:
— namieśnik staršyni Partyi BNF Ryhor Kastusioŭ;
— dziejučy prezident Alaksandr Łukašenka;
— kiraŭnik sajuza «Za madernizacyju» Aleś Michalevič;
— lider hramadzianskaj kampanii «Havary praŭdu!» Uładzimir Niaklajeŭ;
— namieśnik staršyni Abjadnanaj hramadzianskaj partyi Jarasłaŭ Ramančuk;
— sustaršynia arhkamiteta pa stvareńni partyi «Biełaruskaja chryścijanskaja demakratyja» Vital Rymašeŭski;
— lider kampanii «Jeŭrapiejskaja Biełaruś» Andrej Sańnikaŭ;
— lider arhkamiteta pa stvareńni Biełaruskaj
— ekanamist Viktar Ciareščanka;
— dyrektar TDA «Tryvium» Dźmitryj Us.
Pa 13 listapada ŭklučna pretendenty musiać padać u CVK zajavu ab svajoj zhodzie bałatavacca na najvyšejšuju pasadu, deklaracyi ab prybytku i majomaści dy inšyja dakumienty.
Rehistracyja kandydataŭ płanujecca na 18 listapada.
Vybary projduć 19 śniežnia.
Kamientary