Kiraŭnik biełaruskaj antarktyčnaj ekśpiedycyi Alaksiej Hajdašoŭ i viadučy navukovy supracoŭnik navukova-praktyčnaha centra NAN Biełarusi pa bijaresursach Juryj Hihiniak vylecieli ź Minska ŭ Kiejptaŭn (PAR). Tam jany dałučacca da ŭdzielnikaŭ rasijskaj antarktyčnaj ekśpiedycyi i 7 śniežnia na sudnie ladovaha płavańnia "Akademik Fiodaraŭ" adbuduć na palarnuju stancyju "Maładziožnaja". Na hetaj stancyi biełaruskija navukoŭcy padzielacca: Juryj Hihiniak praciahnie płavańnie na karabli, dzie budzie vykonvać bijałahičnyja i hidrałahičnyja daśledavańni, a Alaksiej Hajdašoŭ adpravicca na miesca bazavańnia biełaruskaj antarktyčnaj ekśpiedycyi - "Hara Viačerniaja", dzie acenić stan navukovaha abstalavańnia i ŭsich sistem žyćciezabieśpiačeńnia -- jak paŭpłyvali na techniku surovyja antarktyčnyja ŭmovy.
25 śniežnia Alaksiej Hajdašoŭ adpravicca z "Hary Viačerniaj" na palarnuju stancyju "Prahres", dzie znoŭ siadzie na karabiel "Akademik Fiodaraŭ" i da lutaha budzie ładzić na im azonamietryčnyja nazirańni. Viartańnie "Akademika Fiodarava" z Antarktydy zapłanavanaje na kaniec lutaha.
Čakajecca taksama, što ŭ studzieni nastupnaha hoda ŭ Antarktydu adpraviać jašče dvuch biełaruskich vučonych. Ich praca budzie arhanizavanaja na palarnaj stancyi "Novałazaraŭskaja", dzie ajčynnyja śpiecyjalisty buduć nazirać za stanam i składam atmaśfiery nad Antarktydaj. Hetyja dadzienyja vielmi važnyja dla vyvučeńnia suśvietnaj prablemy źmieny klimatu.
Kab Biełaruś zmahła stać kansultatyŭnaj bokam Damovy ab Antarktycy i, takim čynam, prymać udzieł u vyrašeńni važnych pytańniaŭ, źviazanych z hetym kantynientam, joj nieabchodna praciahvać tam navukova-daśledčyja raboty. Pakul paŭdniovy maciaryk Ziamli abvieščany zonaj navuki i daśledavańniaŭ, raspracoŭka karysnych vykapniaŭ tut zabaronienaja. Adnak nie vyklučana, što praź niekalki dziesiacihodździaŭ pačniecca padzieł ladovaha kantynienta, bo jon bahaty roznymi minieralna-syravinnymi resursami, u tym liku vuhlevadarodnaj syravinaj i ŭranam.Viadučyja krainy śvietu pašyrajuć tut svaje daśledavańni. 48 dziaržaŭ užo dałučylisia da Damovy ab Antarktycy, ź ich 29 vystupajuć kansultatyŭnym bakami.
Antarktyka -- paŭdniovaja palarnaja vobłaść ziamnoha šara, u jakuju ŭvachodzić Antarktyda i prylehłyja da jaje ŭčastki Atłantyčnaha, Indyjskaha i Cichaha akijanaŭ. Ahulnaja płošča Antarktyki składaje 52 młn kv km. Va Uschodniaj Antarktydzie znachodzicca polus choładu Ziamli, dzie ŭ 1983 hodzie byŭ zarehistravany tempieraturny rekord - minus 89,2 hradusa. Siaredniaja tempieratura zimovych miesiacaŭ u centry macieryka składaje minus 65 hradusaŭ, letnich - 40 hradusaŭ nižej za nul. Antarktyda nie naležyć nivodnaj dziaržavie.
Ciapier čytajuć
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB31
Biełarus, jaki vajavaŭ za Ukrainu, raspavioŭ, čym jaho začaravała kachanka Ina Kardaš, ahientka KDB
«Ź mianie ničoha nie voźmieš, a ludzi paciarpieli». Para piensijanieraŭ druhi hod nie moža vypisać ź minskaj kvatery šmatdzietnuju siamju emihrantaŭ99
Kamientary