Pra heta jon paviedamiŭ 8 śniežnia žurnalistam upres-centry haziety «Komsomolskaja pravda» v Biełoruśsii».
Palityk pryjechaŭ u redakcyju adrazu z aeraporta. «U Brusieli ja pravioŭ dźvie sustrečy. Mahu tolki skazać, što adna była na ŭzroŭni Jeŭrakamisii, druhaja — na ŭzroŭni Jeŭraparłamienta. Pra astatniaje my damovilisia nie havaryć: jany nie ahučvajuć tam, ja nie ahučvaju tut», — skazaŭ Niaklajeŭ.
Tym nie mienš kandydat u prezidenty paviedamiŭ, što vizit byŭ svojeasablivym padviadzieńniem vynikaŭ jaho sustreč z kiraŭnictvam Polščy, Čechii, Šviecyi i Hiermanii. «Vielmi vialikaja ŭvaha da našaj krainy, u tym kantekście, što Łukašenka paabiacaŭ pravieści svabodnyja i spraviadlivyja vybary. Tak, jak jany prachodziać u Brusieli», — adznačyŭ palityk.
Uładzimir Niaklajeŭ padkreśliŭ, što jeŭrapiejskich čynoŭnikaŭ niepakoić farmat praviadzieńnia vuličnych akcyj 19 śniežnia, u dzień hałasavańnia.
«Jany bajacca, kab, kryj Boža, u Minsku na płoščy nie adbyłosia štości takoje, što pachisnuła b situacyju nie tolki ŭ Biełarusi, ale i va ŭsim rehijonie.
Ja spačatku ździŭlaŭsia hetamu, bo my płanujem całkam mirnuju akcyju na płoščy, ale potym zrazumieŭ, što da jeŭrapiejcaŭ dachodzić infarmacyja z boku našych apanientaŭ, ź inšaha boku», — skazaŭ kandydat u prezidenty.
«Ja ich pierakonvaŭ, što nijakich akcyj, jakija b parušali stabilnaść u rehijonie, u Biełarusi nie budzie», — zajaviŭ Niaklajeŭ.
Kandydat raskazaŭ, što ŭsie surazmoŭcy ŭ hutarcy ź im adznačyli: u źniešniaj palitycy kamanda dziejnaha prezidenta pačała dziejničać bolš prafiesijna. «Vielmi aktyŭna łabirujecca Łukašenka jak prajeŭrapiejski kandydat. Vielmi dobra ŭ hetym płanie pracuje biełaruski MZS, u pryvatnaści ministr zamiežnych spraŭ Siarhiej Martynaŭ. I adznačajuć, što kali raniej u Łukašenki była nadzieja na siłavoje vyrašeńnie pytańniaŭ, to siońnia surjozna pracuje mienavita palittechnałahičny składnik», — skazaŭ Uładzimir Niaklajeŭ.
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ20
Kamientary