CVK Biełarusi nie budzie razhladać papiaredžańni Hienprakuratury 5 kandydatam
Papiaredžańni Hieneralnaj prakuratury piaci kandydatam za zaklik pravieści niesankcyjanavanuju akcyju Centravybarkam razhladać nia budzie, paviedamiła kiraŭnica CVK Lidzija Jarmošyna.
«Dadzienyja papiaredžańnia nie datyčacca vybarčaha zakanadaŭstva, jany tyčacca zakanadaŭstva ab paradku praviadzieńnia masavych mierapryjemstvaŭ. Tamu my ich razhladać nia budziem», — zajaviła Jarmošyna ŭ interviju Interfaksu.
Jana patłumačyła, što «ŭ dadzienym vypadku havorka idzie pra zakliki pravieści niesankcyjanavanaje mierapryjemstva ŭ centry Miensku tady, kali vybary ŭžo zavieršacca».
9 śniežnia Hienprakuratura Biełarusi vyniesła aficyjnaje papiaredžańnie piaci kandydatam na prezydenta Biełarusi — Jarasłavu Ramančuku, Mikołu Statkieviču, Vitalu Rymašeŭskamu, Andreju Sańnikavu i Ŭładzimieru Niaklajevu — za zaklik pravieści mitynh na Kastryčnickaj płoščy ŭ Miensku paśla vybaraŭ 19 śniežnia.
Padčas teledebataŭ u žyvym efiry BT kandydaty zaklikali ludziej vyjści na Kastryčnickuju płošču.
Dla Rymašeŭskaha i Statkieviča heta ŭžo druhoje aficyjnaje papiaredžańnie Hienprakuratury. Raniej jany atrymali papiaredžańnie za zakliki ŭ žyvym efiry Pieršaha telekanału pravieści 24 listapada na Kastryčnickaj płoščy Miensku niesankcyjanavany mitynh.
Kamientary