Niaklajeŭ: aryštavany Michaił Paškievič, jaki adkazvaŭ za ŭstaloŭku sceny i hukaŭzmacnialnaj aparatury.
Uładzimir Niaklajeŭ, faktyčna, admoviŭsia ad udziełu ŭ vybarach — praŭda, nie ŭ jakaści kanydata, a ŭ jakaści vybarca.
Napisaŭšy fłamastaram na svaim biuleteni zaklik «Novyja vybary biez Łukašenki», jon admoviŭsia ŭkinuć jaho ŭ skryniu dla hałasavańnia, a zabraŭ z saboj.Jak jon zajaviŭ, hety biuleteń potym budzie pamnožany i, faktyčna hety zaklik i zrobicca toj płatformaj, na jakoj buduć sprabavać abjadnać apazicyju ŭ bližejšaj budučyni.
Uładzimir Niaklajeŭ paviedamiŭ pra toje, što aryštavany jaho davieranaja asoba Michaił Paškievič, jaki adkazvaŭ za ŭstaloŭku siońnia sceny i hukaŭzmacnialnaj aparatury na Płoščy. Situacyja nie bieznadziejnaja, adnak arhanizataram daviadziecca źmianić svaje płany pa dastaŭcy aparatury na Kastryčnickuju płošču. Uładzimir Niaklajeŭ taksama raspavioŭ pra toje, što Źmicier Daškievič i jaho prychilniki byli adkaznyja za rasčystku płoščy ad śniehu, adnak z-za apošnich aryštaŭ hetaja zaduma, faktyčna, paralizavanaja. Pierad arhanizatarami ciapier staić niaprostaja zadača: jak zabiaśpiečyć huk na płoščy bieź ludziej, jakija niepasredna byli za heta adkaznyja. Nie kažučy ŭžo pra toje, što ideja choć by zbolšaha rasčyścić płošču ad śniehu siłami aktyvistaŭ taksama, miarkujučy pa ŭsim, nie spraŭdzicca.
Padrabiaznaści ŭ videa:
«Treba niešta mianiać. Heta ŭžo naśpieła». Baćka Kanapackaj padzialiŭsia dumkami pra vybary i ŭdzieł dački ŭ ich4
Kamientary