Na numary kampanii pa nazirańni ruchu «Za Svabodu» zabłakavanyja ŭvachodnyja zvanki
Na numary telefonaŭ kampanii pa nazirańni hramadskaha ab`iadnańnia "Ruch "Za Svabodu" apierataraŭ velcom (+375299179626) i life:) (+375257906422), jakija vykarystoŭvalisia dla apieratyŭnaha pryjomu infarmacyi z vybarčych učastkaŭ krainy, zabłakavanyja ŭvachodnyja zvanki.
Pra heta paviedamiŭ BiełaPAN kaardynatar kampanii pa nazirańni, namieśnik staršyni ruchu "Za Svabodu" Juryj Hubarevič.
Bolš za toje, uviečary 18 śniežnia byŭ zabłakavany pryjom SMS-paviedamleńniaŭ na hetyja sim-karty.
Pavodle Hubareviča, heta ŭskładnić praces zboru źviestak pra parušeńni, padviadzieńnia vynikaŭ vybaraŭ, ale nie spynić jaho, bo buduć zadziejničany alternatyŭnyja formy zboru infarmacyi.
Nahadajem, prablemy z błakavańniem uvachodnych zvankoŭ ź`iavilisia i ŭ kampanii "Za spraviadlivyja vybary".
Niahledziačy na heta, paviedamiŭ Hubarevič, pačali pastupać pieršyja paviedamleńni pra parušeńni padčas hałasavańnia ŭ asnoŭny dzień vybaraŭ. Jany, zbolšaha, tyčacca hałasavańnia pa miescy znachodžańnia vybarščykaŭ (siabry kamisijaŭ biaruć bolšuju kolkaść biuleteniaŭ, čym pastupiła zajavak vybarščykaŭ, admaŭlajucca ad supravadžeńnia naziralnikaŭ i nie dajuć im infarmacyi pra damy, jakija płanujuć naviedać). Na niekatorych učastkach naziralnikam zabaraniajuć vieści alternatyŭny padlik i karystańnie mabilnaj suviaźziu.
Naziralnik ad ruchu "Za Svabodu" Valeryj Ramanienka źnik pry niavyśvietlenych abstavinach. Jaho niama ni na pracy, ni doma. Jahony mabilny telefon nie adkazvaje.
«Treba niešta mianiać. Heta ŭžo naśpieła». Baćka Kanapackaj padzialiŭsia dumkami pra vybary i ŭdzieł dački ŭ ich4
Kamientary