Jarmošyna: Kali žančyna va ŭzroście idzie na płošču, značyć, u jaje štości ź intelektam nie ŭ paradku
Kiraŭnik Centrvybarkama Lidzija Jarmošina ličyć apraŭdanymi dziejańni sił pravaparadku ŭ dačynieńni da ŭdzielnikaŭ akcyi pratestu ŭ Minsku 19 śniežnia.
«Heta nie žorstki razhon, heta abarona našaj Ajčyny i pravaparadku, — zajaviła jana na
Na remarku žurnalista, što siarod demanstrantaŭ taksama byli kvołyja žančyny, Jarmošyna adkazała: «Vy viedajecie, hetym žančynam rabić niama čaho. Siadzieli b doma, boršč varyli, a nie pa płoščach badzialisia. Mnie ŭ hałavu heta nie pryjdzie.
Heta hańba dla žančyny — udzielničać u takich mierapryjemstvach. Ja jašče razumieju, kali jana dziaŭčyna durnaja, maładaja,
takich maładych ludziej šmat. A kali žančyna va ŭzroście idzie, značyć, u jaje, prabačcie, štości ź intelektam nie ŭ paradku».
Na dumku Jarmošynaj, padziei ŭ Minsku nie pavinny ŭpłyvać na acenku vybaraŭ mižnarodnymi naziralnikami. «Jany abaviazany aceńvać vybary. Usio toje, što adbyłosia paśla vybaraŭ, navat kali heta była akcyja pratestu, ja dumaju, nie adnosicca da vybarčaj pracedury, tamu što jana nie paŭpłyvała na volevyjaŭleńnie vybarščykaŭ. Jany ŭžo vykazalisia da 20 hadzin», — zajaviła kiraŭnik Centrvybarkama.
Ab pracy CVK vykazaŭsia sakratar kamisii Mikałaj Łazavik: «Niaŭtulna było. Kali ŭ tvoj dom łomiacca raźjušanyja, niekiravanyja małojčyki, viadoma, adčuvaješ siabie ŭ hetym domie niaŭtulna. U Domie ŭrada razłamany dźviery, vybity vokny paradnaha ŭvachodu. U hety čas my jakraz pracavali z telekropkami STV, ONT i BT. Navat čysta fizična, kali ŭsio heta pabita było, skraźniak, choład, maroz, adčuvajecca takoje niekamfortnaje stanovišča. Ale tym nie mienš ja davaŭ intervju i havaryŭ, što Centralnaja kamisija pracuje ŭ płanavym režymie, my źbirajem nieabchodnuju infarmacyju, trymajem suviaź z rajonnymi, abłasnymi vybarčymi kamisijami. Ale heta było datul, pakul nie adklučyli elektraenierhiju. Nie viedaju, pa jakoj tam pryčynie heta adbyłosia, ale, sami razumiejecie, kali avaryjna adklučajecca kampjutar, hublajucca źviestki, infarmacyja, jakaja ŭtrymlivajecca na rabočych sajtach hetaha kampjutara. Hublajecca imhnienna infarmacyja, adnaŭlać jaje daviałosia dastatkova praciahły čas… Tym nie mienš ja nie dumaju, što my ŭžo vielmi tak vybilisia z zapłanavanaha hrafiku».
«Usie supracoŭniki Centralnaj kamisii ŭ dobrym zdaroŭi, nichto nie paciarpieŭ padčas hetaha šturmu. Bolš za toje, skažu, nivodny z chulihanaŭ nie zmoh prabracca ŭnutr Doma ŭrada. Ale, viadoma, škoda budynku naniesiena značnaja, i, skažam tak, umovy dla pracy byli nie samyja dobryja. Ale, što ž rabić, pra heta možna było zdahadacca pa tych zaklikach, jakija niekatoryja biezadkaznyja palityki razdavali na praciahu svajoj vybarčaj kampanii. Zamiest taho kab ahitavać za svaju vybarčuju prahramu, ahitavali zusim za inšaje. Vynik vidavočny», — zajaviŭ Łazavik.
Dźmitryj Ułasaŭ, BiełaPAN.
Kamientary