Šerah dziejačaŭ kultury i navuki Rasii i inšych krain padpisali adkryty list u abaronu aryštavanych u Biełarusi, apublikavany na sajcie Openspace.ru.
«My patrabujem nieadkładna vyzvalić i spynić pieraśled ludziej, usia vina jakich składajecca ŭ sprobie publična vykazać svajo mierkavańnie», — havorycca ŭ liście.
Padpisanty prosiać Parłamienckuju asambleju Rady Jeŭropy i inšyja miždziaržaŭnyja struktury, jakija zajmajucca prablemami pravoŭ čałavieka, umiašacca ŭ situacyju ŭ Biełarusi i vykarystać svoj upłyŭ dla vyzvaleńnia aryštavanych i spynieńnia dalejšaha pieraśledu inšadumcaŭ.
Dziejačy navuki i kultury, jakija padpisali list ličać, što źbićcio i aryšty — nie mietad palityčnaj baraćby. Jany vystupajuć suprać «samavolstva», jakoje tvoryć biełaruskaja ŭłada.
Siarod bolš za 300 padpisantaŭ — Michaił Ajzienbierh, Alaksandr Archanhielski, Siarhiej Bačaroŭ, Siarhiej Handleŭski, Alaksandr Dalinin, Barys Dubin, Viktar Žyvaŭ, Cimur Kibiraŭ, Alaksandr Aspavat, Aleh Praskuryn, Leŭ Rubinštejn, Maryja Ściapanava, Andrej Taparkoŭ, Alena Fanajłava, Łazar Flejšman, Alaksiej Ćviatkoŭ.
Kamientary