U Vilni 2 listapada pačała haładoŭku staršynia Bieraściejskaj haradzkoj arhanizacyi BSDP (Hramada) Hanna Kanius. Nazaŭtra da jaje dałučyŭsia staršynia Bieraściejskaj abłasnoj arhanizacyi BSDP (Hramada) Ihar Masłoŭski...
Salidarnaść z Kazulinym
U Vilni 2 listapada pačała haładoŭku staršynia Bieraściejskaj haradzkoj arhanizacyi BSDP (Hramada) Hanna Kanius. Nazaŭtra da jaje dałučyŭsia staršynia Bieraściejskaj abłasnoj arhanizacyi BSDP (Hramada) Ihar Masłoŭski. U Varšavie kala biełaruskaha pasolstva 7 listapada pačałasia haładoŭka ŭ padtrymku palitviaźnia Alaksandra Kazulina. 14 listapada da akcyi salidarnaści ź im dałučylisia novyja ŭdzielniki ŭ Miensku, Bieraści j Maładečnie. Iryna Kazulina, žonka eks-kandydata na prezydenta, 8 listapada nie zmahła sustrecca z mužam: joj admovili. 12 listapada haładoŭku padtrymaŭ u Miensku Aleś Stralcoŭ, 13 listapada – Nadzieja Batura, 14 listapada – Aleh Voŭčak. Najbolej ludziej uziało ŭdzieł u symbaličnaj haładoŭcy ŭ Bieraści – bolš za 30 čałaviek.
4 listapada
Aktyvistu prafsajuzu REP Andreja Baranava kiraŭnictva homielskaha aŭtobusnaha parku № 1 paviedamiła, što z 1 śniežnia kantrakt ź im nia budzie padoŭžany.
7 listapada
Unačy na 7 listapada mytniki j pamiežniki na zahad «źvierchu» pravieryli rečy Anatola Labiedźki, jaki viartaŭsia z Kijeva.
U Homieli padčas kamunistyčnaha mitynhu zatrymany deputat harsavietu Jury Hłušakoŭ, jaki chadziŭ ź ściaham Venesueły. Taksama byli zatrymanyja Robiert Frałovič i Piotar Cimafiejeŭ, Maryja Bahdanovič i Siarhiej Špakaŭ.
U Salihorsku milicyjanty pieraškodzili hramadzkim aktyvistam pakłaści vianok z kalučaha drotu da pomnika Leninu. Zatrymany Illa Šyła.
Dvum pradstaŭnikam Švedzkaha Chelsynskaha kamitetu biełaruskija ŭłady nie dali vizaŭ u Biełaruś.
Na volu vypuścili polskaha aktyvista Miečysłava Jaskieviča, zatrymanaha 4 listapada.
8 listapada
U Kleckim rajonie z pracy zvolnili aktyvistku Partyi BNF nastaŭnicu Inu Kiebikavu, jak tolki jana vyrašyła balatavacca ŭ miascovy saviet. Aficyjnaja padstava zvalnieńnia – prahuł (jana paprasiła try dni adpačynku, kab padać dakumenty ŭ vybarčuju kamisiju).
Dziaržaŭnaje pradpryjemstva «Biełpošta» admoviłasia ŭklučać niedziaržaŭnuju hazetu «Vitiebskij kuŕjer M» u padpisku na pieršaje paŭhodździe 2007 hodu.
Vyšejšy haspadarčy sud nie zadavoliŭ pazoŭ časopisu «ARCHE» da Minynfarmacyi: vydańnie abskardžvała prypynieńnie na 3 miesiacy.
9 listapada
U Navapołacku Valer Šaŭčenka padaŭ skarhu staršyni Viciebskaha abłvykankamu i ŭ abłasnoje ŭpraŭleńnie ŭnutranych spravaŭ: jon abskardžvaje zabaronu na pikiet salidarnaści z palitviaźniami, vyniesienuju navapołackim harvykankamam sioleta ŭ krasaviku.
Adbyŭsia dopyt Paŭła Krasoŭskaha ŭ spravie «viciebskich vybuchaŭ»: u chłopca ŭziali na ekspertyzu pašpart. Nastupny dopyt byŭ pryznačany na 15 listapada.
Atestacyjnaja kamisija ŭ Instytucie historyi NAN Biełarusi pryznała nieadpaviednymi svajoj pasadzie Michasia Čarniaŭskaha i Valancinu Viarhiej. Heta značyć, što znanyja biełaruskija historyki i archieolahi mohuć stać čarhovymi ŭ šerahu navukoŭcaŭ, zvolnienych z Akademii navuk. Nahadajem, što masavyja zvalnieńni pačalisia paśla pryznačeńnia dyrektaram Instytutu Alaksandra Kavaleni.
10 listapada
Biełaruskija ŭłady biez tłumačeńnia pryčynaŭ admovili va ŭjaznych vizach niamieckim žurnalistam Karnelii Rabic (radyjo «Niamieckaja chvala») i Inha Petcu («Ziuddojče cajtunh»).
U Babrujsku Alenu Zachožuju na mašynie «chutkaj dapamohi» zabrali ŭ špital z pracoŭnaha miesca. 11 listapada na vulicy źbili jejnaha syna. Heta stała apošniaj kroplaj, jakaja vymusiła adčajnuju žančynu spynić akcyju pratestu. Heta adbyłosia 14 listapada na 43-i dzień postu. Zachožaja abjaviła haładoŭku 3 kastryčnika ŭ adkaz na parušeńni pravoŭ prafsajuzaŭ z boku administracyi "Biełšyny". Na praciahu hetaha pieryjadu, za vyklučeńniem niekalkich dzion špitalizacyi, Zachožaja praciahvała vychodzić na pracu.
12 listapada
U aeraporcie «Miensk-2» zatrymali Alaksandra Milinkieviča, jaki viartaŭsia z Varšavy: u jaho staranna nadhledzieli dakumenty j bahaž.
Stała viadoma, što źniavolenuju pravaabaroncu Kaciarynu Sadoŭskuju pieravodziać u Homielskuju žanočuju kaloniju.
13 listapada
U haradzienskaj abłasnoj upravie KDB bolš za 4 hadziny dapytvali Anžaliku Borys u spravie pra «kantrabandu narkotykaŭ». Spačatku śledčy zabaraniŭ prysutničać na dopycie advakatu, ale Anžalika admoviłasia adkazvać na pytańni. Tady jon dazvoliŭ prysutničać advakatu, ale sprabavaŭ zdymać dopyt na stužku. Anžalika znoŭ admoviłasia adkazvać, bo časta tyja zapisy adkazaŭ u adpaviedna zmantavanym vyhladzie pakazvajuć pa telebačańni. Dopyt adbyŭsia tolki paśla taho jak kameru vyklučyli.
14 listapada
Stała viadoma, što palitviaźnia Źmitra Daškieviča ŭviečary 15 listapada pieraviazuć u Žodzinski śledčy izalatar.
Kamientary