Siońnia, 15 listapada, adbyŭsia sud nad piaćciu aktyvistami kampanii «Za Svabodu», jakija byli zatrymanyja 16 kastryčnika padčas akcyi «Dzień salidarnaści».
Siońnia, 15 listapada, adbyŭsia sud nad piaćciu aktyvistami kampanii «Za Svabodu», jakija byli zatrymany 16 kastryčnika padčas akcyi «Dzień salidarnaści» sa źniavolenymi i źnikłymi ŭ Biełarusi pa palityčnych matyvach ludźmi.
Tady kala 25 maładych ludziej vyjšli z zapalenymi śviečkami na adnu z centralnych vulic Bieraścia – praśpiekt Mašerava. U rukach jany trymali litary, što razam składali nadpis «Svabodu palitviaźniam!» Kastryčnickaja «16-ka» skončyłasia 14-ciu zatrymańniami. U pastarunku ŭ maładych ludziej vyśvietlili asoby i pierapisali pašpartnyja dadzienyja, u niekatorych uziali tłumačeńni.
Na piacioch z zatrymanych niekalki dzion tamu byli składzienyja pratakoły ab administratyŭnym pravaparušeńni (art. 167.1 KoAP RB «Praviadzieńnie niesankcyjanavanaha pikietavańnia»).
Sudovaje pasiedžańnie ciahnułasia kala 3-ch hadzin. U vyniku ŭsie pryciahnutyja da adkaznaści byli pryznany vitavatymi i atrymali štrafy ŭ pamiery ad 20 da 50 bazavych adzinak.
Padtrymać aktyvistaŭ pryjšło kala 40 pradstaŭnikoŭ demakratyčnaj hramadskaści horada. «Ja ŭražany rašeńniem suda pa hetaj spravie! Faktyčna ludziej abvinavacili ŭ tym, što jany trymali ŭ rukach śviečki, bo nijakich łozunhaŭ jany nie vykrykvali, ściahoŭ i transparantaŭ – atrybutyki, ułaścivaj pikietavańniu, - u ich rukach taksama nie było. Z takim ža pośpiecham možna zatrymlivać babulek z zapalenymi śviečkami pad carkvoju. Hańba tamu pravasudździu, jakoje vynosić takija prysudy!» – kaža adzin z prysutnych u zali suda.
Andrej Šarenda, aktyvist kampanii «Za Svabodu», jaki atrymaŭ najbolšy štraf, paśla suda adznačyŭ:
— Dziakuj tym ludziam, jakija pryjšli padtrymać mianie i maich siabroŭ. Možna razhaniać akcyi salidarnaści z palitźniavolenymi, usialak cisnuć na aktyvistaŭ. Adnak Salidarnaść žyvie i ŭ našych sercach. A pakul jana jość, žyvie i Volnaja Biełaruś!
Ciapier čytajuć
Babaryka: Kali b my pieramahli — vajny va Ukrainie nie było b6
Babaryka: Kali b my pieramahli — vajny va Ukrainie nie było b
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»55
Kamientary