Сёння, 15 лістапада, адбыўся суд над пяцьцю актывістамі кампаніі «За Свабоду», якія былі затрыманыя 16 кастрычніка падчас акцыі «Дзень салідарнасьці».
Сёння, 15 лістапада, адбыўся суд над пяццю актывістамі кампаніі «За Свабоду», якія былі затрыманы 16 кастрычніка падчас акцыі «Дзень салідарнасці» са зняволенымі і зніклымі ў Беларусі па палітычных матывах людзьмі.
Тады каля 25 маладых людзей выйшлі з запаленымі свечкамі на адну з цэнтральных вуліц Берасця – праспект Машэрава. У руках яны трымалі літары, што разам складалі надпіс «Свабоду палітвязням!» Кастрычніцкая «16-ка» скончылася 14-цю затрыманнямі. У пастарунку ў маладых людзей высветлілі асобы і перапісалі пашпартныя дадзеныя, у некаторых узялі тлумачэнні.
На пяцёх з затрыманых некалькі дзён таму былі складзеныя пратаколы аб адміністратыўным правапарушэнні (арт. 167.1 КоАП РБ «Правядзенне несанкцыянаванага пікетавання»).
Судовае паседжанне цягнулася каля 3-х гадзін. У выніку ўсе прыцягнутыя да адказнасці былі прызнаны вітаватымі і атрымалі штрафы ў памеры ад 20 да 50 базавых адзінак.
Падтрымаць актывістаў прыйшло каля 40 прадстаўнікоў дэмакратычнай грамадскасці горада. «Я ўражаны рашэннем суда па гэтай справе! Фактычна людзей абвінавацілі ў тым, што яны трымалі ў руках свечкі, бо ніякіх лозунгаў яны не выкрыквалі, сцягоў і транспарантаў – атрыбутыкі, уласцівай пікетаванню, - у іх руках таксама не было. З такім жа поспехам можна затрымліваць бабулек з запаленымі свечкамі пад царквою. Ганьба таму правасуддзю, якое выносіць такія прысуды!» – кажа адзін з прысутных у залі суда.
Андрэй Шарэнда, актывіст кампаніі «За Свабоду», які атрымаў найбольшы штраф, пасля суда адзначыў:
— Дзякуй тым людзям, якія прыйшлі падтрымаць мяне і маіх сяброў. Можна разганяць акцыі салідарнасці з палітзняволенымі, усяляк ціснуць на актывістаў. Аднак Салідарнасць жыве і ў нашых сэрцах. А пакуль яна ёсць, жыве і Вольная Беларусь!
Цяпер чытаюць
Просты беларус здзівіў людзей, калі ў Германіі прызнаваўся ў любові да Лукашэнкі. Але аказалася, што ён няпросты23
Каментары