«Tron: Spadčyna»: praciah kibierfantastyki praz 28 hadoŭ.
ZŠA, 2010, kalarovy, 3D, 125 chv.
Režysior: Džozef Kasinski
Roli vykonvajuć: Džef Brydžes, Haret Hedłund, Alivija Ŭald, Brus Boksłejtner, Majkł Šyn, Džejms Frejn
Žanr: Kibierfantastyka
Adznaka: 4,5 (z 10)
Sem Flin daśleduje tajamničaje źniknieńnie svajho baćki-prahramista — i traplaje ŭ stvorany im virtualny śviet. U hetym śviecie tvorca zahnany ŭ padpolle, a ŭładu zachapiŭ złobny dyktatar Kłu, jaki z dapamohaj pasłuchmianych prahramaŭ teraryzuje kibiernasielnictva. Hieroj vyrašaje zrynuć tyraniju dyj vyzvalić baćku.
Zadoŭha da «Matrycaŭ», u 1982 hodzie, źjaviŭsia pieršy film pra kibierpryhody ŭ virtualnaj prastory — «Tron».Stužka stałasia papularnaj u amataraŭ dziŭnych filmaŭ, ale masavaha pośpiechu nie mieła. Amal praz 30 hadoŭ karcina atrymała praciah — z udziełam tych samych aktoraŭ. Džef Brydžes hraje pastarełaha prahramista dyj ułasnuju kopiju — dyktatara Kłu, značna maładziejšaha za siabie.
Hładyjatarskija bojki čyrvona-čornych prahramaŭ, śvietłavyja matacykły j samaloty, bliskučyja pavierchni, arnamienty — składajuć chaładnavataje retra-kamputarnaje vidovišča, upryhožanaje zakadravaj muzykaj i akrabatyčnaj chareahrafijaj Alivii Ŭald.
Zatoje, kali hieroi adkryvajuć rot, to horšych dyjałohaŭ ujavić sabie niemahčyma. Ale ŭ Biełarusi navat samyja tupyja antydyktatarskija frazy — jak sol na śviežyja rany.
Što za studentka Uljana, ź jakoj na bali valsiravaŭ Łukašenka?18
Kamientary