Ale tranzit rasijskaj nafty ŭ Jeŭropu idzie ŭ štatnym režymie.
Rasijskija naftavyja kampanii spynili pastaŭki nafty ŭ Biełaruś, pakolki z 1 studzienia adsutničajuć adpaviednyja damovy, pišuć «Viedamaści», spasyłajučysia na infarmacyju ad «Biełnaftachima».
Pra składanaści z zaklučeńniem damoŭ stała viadoma ŭ kancy 2010 hady, ale jašče 6 studzienia «Biennaftachim» raźličvaŭ, što damovy buduć padpisany paśla śviataŭ. Pieramovy zaciahnulisia, abmiarkoŭvajecca cana, piša hazieta. Kali mohuć być padpisany dakumienty, pakul niezrazumieła, adznačajecca tolki, što
tranzit rasijskaj nafty ŭ Jeŭropu idzie ŭ štatnym režymie, a zapasaŭ na biełaruskich NPZ chopić da kanca studzienia.
Pytańnie vyrašajecca na samym vysokim uzroŭni, zajaviŭ rasijskaj haziecie supracoŭnik «Rośniefti», adnak va ŭradzie Rasii hetaha nie paćviardžajuć.
«Pastaŭki nafty ŭ Biełaruś ažyćciaŭlaje nie dziaržava, a kamiercyjnyja arhanizacyi; urad Rasii, naturalna, nie moža ŭpłyvać na kamiercyjnyja pieramovy», – padkreślivaje pres-słužba rasijskaha premjera.
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary