Niekamiercyjnaja ŭstanova «Centr ekałahičnych rašeńniaŭ» pravodzić u Biełarusi ekakulturny konkurs ese i fatahrafii «Zialonaje spažyvańnie».
Jak paviedamiŭ prahramny dyrektar centra Jaŭhien Łabačoŭ, meta konkursu — pryciahnuć hramadskuju ŭvahu da biezadkaznych spažyvieckich pavodzin ludziej u adnosinach da navakolnaha asiarodździa.
Udzielnikam konkursu moža stać luby achvotny niezaležna ad uzrostu i adukacyi. Raboty prymajucca da 25 sakavika.
Ese i fatahrafii pavinny raskryvać adnu ź piaci tem konkursu.
U pryvatnaści, tema «Dobryja pryvyčki» pryśviečana prostym i pryvyčnym dziejańniam, jakija, tym nie mienš, dapamahajuć bierahčy pryrodnyja resursy (vyklučeńnie śviatła, admova ad płastykavych pakietaŭ pry naviedvańni mahazina i h.d.).
Tema «Adnarazovaje žyćcio» prapanoŭvaje raskryćcio prablemy abyjakavaha staŭleńnia čałavieka da navakolnaha śvietu i rečaŭ, jakija siońnia ŭsio čaściej stanoviacca adnarazavymi.
Anałahičnaja prablema, tolki ŭ šyrejšym jaje razumieńni, lažyć i ŭ asnovie temy «Hramadstva spažyvańnia».
Raboty na temu «Čas — hrošy» pavinny raskryć uzajemasuviaź pamiž hetymi dvuma paniaćciami.
Narešcie, apošniaja tema — «Košt pryznańnia» — maje na ŭvazie supiarečnaść čałaviečych kaštoŭnaściaŭ i niecyvilizavanaha, spažyvieckaha staŭleńnia da navakolnaha asiarodździa.
U skład žury konkursu ŭvojduć viadomyja dziejačy kultury i ekołahi. Jany buduć aceńvać raboty z punktu hledžańnia ich mastackaj kaštoŭnaści i aryhinalnaści.
Padviadzieńnie vynikaŭ konkursu płanujecca ŭ krasaviku. Lepšyja raboty ŭ kožnaj naminacyi buduć uznaharodžany pryzami ad partnioraŭ i sponsaraŭ konkursu — heta siertyfikaty na kuplu fotaabstalavańnia, viačera ŭ restaranie, nabor arhaničnych praduktaŭ i inšyja.
Partniorami prajekta «Zialonaje spažyvańnie» vystupajuć kaalicyja «Čystaja Bałtyka» i Narviežskaje tavarystva achovy pryrody, partał Zniata, ekałahičnaje tavarystva «Zialonaja sietka», Minski mižnarodny adukacyjny centr (IBB), kampanija «SNAMI», fotacentr «Fotamaks», kafe «Abrykos», mahazin «Fotatechnika» i spažyvieckaje tavarystva «ARHO».
Ciapier čytajuć
«Ja nie sustrakaŭ nivodnaha vajskoŭca, chto b nie pavažaŭ Drapataha»: na čale USU staŭ kamandzir novaha pakaleńnia. Što ŭjaŭlaje saboj Michaił Drapaty?77
Kamientary