20-hadovaja Nasta Pałažanka stała pieršaj biełaruskaj, uznarahodžanaj prestyžnaj Mižnarodnaj žanočaj premijaj za mužnaść, jakuju Dziaždepartamient ZŠA prysudžaje štohod 10 žančynam roznych uzrostaŭ i nacyjanalnaściaŭ. Cyrymonija ŭznaharodžańnia prajšła 8 sakavika ŭ Vašynhtonie.
Chiłary Klintan, jakaja ŭručała ŭznaharody, vykazała škadavańnie ŭ suviazi z tym, što Nasta Pałažanka i Joani Sančez z Kuby nia zdoleli pryjechać na cyrymoniju, bo ŭłady ich krainaŭ im hetaha nie dazvolili. Klintan skazała:
«Nasta Pałažanka ź Biełarusi žyvie ŭ składany čas. Kraina ŭ centry Jeŭropy dahetul pryhniataje svoj narod, falsifikuje vybary, samym žorstkim i brutalnym čynam źniavolvaje palityčnych apanientaŭ, kab ich papałochać. Ale jana nie spužałasia i vykazała svaju pazicyju."
Namieśnica staršyni «Maładoha frontu» Nasta Pałažanka źjaŭlajecca adnoj z abvinavačanych pa spravie ab tak zvanych masavych biesparadkach u Minsku 19 śniežnia. Jaje aryštavali 20 śniežnia va ŭłasnaj kvatery. Amal dva miesiacy jana znachodziłasia ŭ SIZA KDB. 17 lutaha jaje vypuścili pad padpisku ab niavyjeździe.
Raniej u intervju «Svabodzie» Nasta tak prakamientavała svajo ŭhanaravańnie premijaj:
«Dla mianie hetaja premija — najpierš udziačnaść usim tym ludziam, jakija vyjšli 19 śniežnia na płošču, heta honar za maich siabroŭ maładafrontaŭcaŭ: Źmitra Daškieviča, Uładzia Jaromienka, Alesia Kirkieviča, Paŭła Sieviarynca, Eduarda Łobava — za ŭsich, chto jašče zastajecca za kratami. I biezumoŭna, kali heta premija prysudžajecca žančynam, ja nie mahu nie adznačyć mužnych Irynu Chalip i Natallu Radzinu, ź jakimi ja była ŭ turmie razam. Tamu hetaja premija — naša ahulnaja, ja nie liču jaje persanalna majoj premijaj».
Siarod inšych łaŭreatak sioletniaj premii — pieršaja
Ciapier čytajuć
Łukašenka pieraabuŭsia: Pozna ŭviečary Minsk pahruzili ŭ ciemru. Navošta? Ja ž ad vas hetaha nie patrabavaŭ24
Kamientary