Sajt www.pashtouka.org prapanuje padpisać paštoŭku dla biełaruskich viaźniaŭ sumleńnia, nie adychodziačy ad kamputara.
Ciapier padtrymać palitviaźniaŭ možna prosta ŭ internecie. Sajt www.pashtouka.org prapanuje padpisać paštoŭku dlabiełaruskich viaźniaŭ sumleńnia, nie adychodziačy ad kamputara.
Raspaviadaje adzin sa stvaralnikaŭ prajektu Andrej Kim:
«Užo na praciahu mnohich hadoŭ my rehularna pravodzim kampanii pa adpraŭcy paštovak palitviaźniam. Za hetyja hady tysiačy pasłańniaŭ pryjšli tym, chto aryštavany ŭ Biełarusi za svaje pierakanańni. Ja sam byŭ u źniavoleńni i viedaju, nakolki važnyja słovy padtrymki. Za čas adsiedki ja atrymaŭ niekalki sotniaŭ takich paštovak, i kožnaja ź ich była jak hłytok śviežaha pavietra.
Adnak takija kampanii byli abmiežavanyja hieahrafična, nie zaŭsiody atrymlivałasia pieradać paštoŭku dla podpisu ludziam ź inšych haradoŭ, a tym bolš krain. Akramia taho, navat z susiedniaj Rasiei listy i paštoŭki iduć u biełaruskuju turmu bolš za miesiac.
Tamu ŭ hetym hodzie my prydumali sajt pashtouka.org.
Luby čałaviek, dzie b jon ni znachodziŭsia, moža z dapamohaj hetaha sajtu napisać palitviaźniu. Dastatkova vybrać adrasata, paštoŭku i ŭvieści tekst pasłańnia.
A tut u Miensku my razdrukujem hety tekst na advarotnym baku abranaj paštoŭki i dašlem pa pošcie.
Heta prosta i efektyŭna. Dzie b vy ni byli — u Maskvie, Prazie, Sietle albo
Vy možacie vybrać albo satyryčnyja paštoŭki ad Andreja Bilžo, jaki namalavaŭ ich specyjalna dla hetaha prajektu, albo inšyja paštoŭki, pryśviečanyja pravam čałavieka.
Kolkaść palitviaźniaŭ ciapier prykładna roŭnaja kolkaści paštovak na našym sajcie. Spadziajusia, što kolkaść pieršych budzie źmianšacca, a druhich — pavialičvacca.
Ja maru pra toje, kab tysiačy ludziej dałučylisia da hetaj kampanii i adpravili jak maha bolš paštovak. Bo toje, što sapraŭdy treba biełaruskim palitviaźniam — ciopłyja słovy padtrymki i razumieńnia — moža ciapier dać kožny z nas. Heta i jość salidarnaść».
Kali ŭ vas jość žadańnie dapamahčy prajektu, abo vy možacie prapanavać eskizy novych paštovak, abo chočacie padpisać pasłańnie svajoj rukoj, to źviazacca z arhanizatarami kampanii možna pa adrasie repression.by @ gmail.com.
-
«Ja zakančvaju efir, ja prosta nie mahu». Kavieryna daviała da šalenstva dyskusija sa śviatarom Šramko
-
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja
-
Biełaruskim sanatoryjam u Rasii ekanamičny kryzis tolki na karyść
Ciapier čytajuć
Ministr kultury vyciahnuŭ u efir čarhovaha Astapa Bendara. I heta stała apošniaj kroplaj: suprać hetaha fiermiera-chvalka vystupiła siamja11
Kamientary