U ambasadzie Rasiei ŭ Biełarusi čakajuć tłumačeńniaŭ ad biełaruskaha Ministerstva zamiežnych spraŭ u suviazi z zatrymańniem rasiejskaha pravaabaroncy Andreja Jurava.
Pra heta karespandentu «Svabody» paviedamiŭ daradca ambasady Rasiei ŭ Biełarusi Vadzim Husieŭ:
«Ambasada Rasiei adrazu daviedałasia pra zatrymańnie rasiejskaha pravaabaroncy. Ambasada ŭ aperatyŭnym paradku pa telefonu nieadkładna źviazałasia ź dziažurnym pa Ministerstvu zamiežnych spraŭ Biełarusi, prainfarmavała pra zatrymańnie rasiejskaha hramadzianina i źviarnułasia z prośbaj infarmavać ambasadu pra ŭsie detali, źviazanyja z zatrymańniem. Siońnia ranicaj pa hetym pytańni ambasada nakiravała notu ŭ MZS Biełarusi z prośbaj infarmavać pra detali zatrymańnia. Ciapier rasiejski dyplamat sustrakajecca ŭ RUUS Savieckaha rajonu Miensku z Andrejem Juravym. Ambasada trymaje sytuacyju z rasiejskim pravaabaroncam na kantroli i zrobić usie nieabchodnyja kroki ŭ ramkach mižnarodnaha pravavoha pola z metaj abarony pravoŭ zatrymanaha hramadzianina Rasiejskaj Federacyi».
Kamientary