Kulinkovič: U naš dom pryjšła biada

Arhanizatar rok-kancertaŭ Pavał Kašyryn i lider Neuro Dubel Alaksandar Kullinkovič vystupili z sumiesnaj zajavaj u suviazi z zabaronaj na biełaruskuju rok-muzyku i patłumačyli, čamu hurt vyrašyŭ nie pravodzić padpolnuju ci paŭpadpolnuju imprezu. «Chaciełasia ŭ adkrytuju zrabić muzyčnaje śviata. Kali dakładna stała viadoma, što takoj mahčymaści niama, my paličyli patrebnym nie pravodzić imprezu ŭ inšym farmacie».

U naš dom znoŭ pryjšła biada. Tydzień tamu była nakładziena zabarona na praviadzieńnie kancertu Neuro Dubel, što musiŭ adbycca 24 sakavika. Usie pryčyny jaho admieny, jakija vam buduć nazyvać, jak to drenny prodaž kvitkoŭ ci prablemy z dacham, nie adpaviadajuć rečaisnaści. My kanstatujem, što

iznoŭ viarnulisia ŭ tyja časy, kali isnavała zabarona na tvorčaść rok-hurtoŭ u Biełarusi. My nia viedajem anivodnaj cyvilizavanaj krainy, dzie mahło by adbycca niešta padobnaje.

My mieli damovy z dvuma inšymi klubami na praviadzieńnie kancertu, ale vyrašyli ŭsio ž nie rabić anijakich padpolnych ci paŭpadpolnych imprezaŭ. Chaciełasia ŭ adkrytuju zrabić muzyčnaje śviata i prezentavać trybjut Neuro Dubel. Kali dakładna stała viadoma, što takoj mahčymaści niama, my paličyli patrebnym nie pravodzić imprezu ŭ inšym farmacie. Ludzi z uładnych strukturaŭ, ź jakimi my viali pieramovy ciaham hetaha tydnia, prasili nas pieračakać. Kolki čakać — tydzień, hod, dva ci ŭsio žyćcio — nieviadoma. Mierkavańnie hetych ludziej takoje ž — tak nie pavinna być, ale

nie jany prymali rašeńnie ab zabaronie i nie im jaho admianiać.

Nam kryŭdna nie tolki za siabie, ale i za siabroŭ i kalehaŭ, jakija sutyknulisia z takoj ža situacyjaj.

Jany pakłali ŭsio žyćcio na toje, kab biełaruskaja kultura kvitnieła, a im nie dajuć šanca na dalejšaje isnavańnie i mahčymaści kancertavać u svajoj ža krainie

My apynulisia ŭ takim stanoviščy, što navat paskardzicca na takija haniebnyja dziejańni niama kamu. Chacieli by, kab va ŭsim śviecie daznalisia pra toje, što ŭ Biełarusi nie dajuć mahčymaści dla vyjaŭleńnia najlepšym tvorčym siłam.

Prosim usich prychilnikaŭ hurta Neuro Dubel, jakija nabyli kvitki na kancert 24 sakavika, pačakać — jany buduć dziejsnymi, kali zabarony buduć źniatyja.

Vykonvajučy abaviazki administratara hurta Neuro Dubel, arhanizatar i pradusar biełaruskich rok-kancertaŭ Pavał Kašyryn;

lider hurta Neuro Dubel Alaksandar Kullinkovič

• 0
• 0
• 0
• 0
• 0
• 0