Kadafi sabraŭ vakoł svaich «Drazdoŭ» livijskich BRSMaŭcaŭ

***

U druhoj pałovie dnia, vysokapastaŭlenaja krynica ŭ vajennych kołach ZŠA zajaviła, čto Złučanyja Štaty płanujuć novyja ŭdary pa Livii ŭ ramkach vajennaj apieracyi.

«Heta doŭhaja apieracyja. My płanujem novyja ŭdary», — skazała krynica ŭ vajennych kołach ZŠA.

Apieracyja suprać režymu Kadafi ažyćciaŭlajecca siłami ZŠA, Vialikabrytanii, Francyi, Italii i Kanady.

***

Kiraŭnik abjadnanaha kamiteta načalnikaŭ štaboŭ ZŠA admirał Majk Malen zajaviŭ u niadzielu, što kaalicyi atrymałasia ŭstalavać nad pavietranaj prastoraj Livii režym zabarony na paloty dla VPS hetaj krainy.

«My ŭžo nie fiksujem palotaŭ livijskaj avijacyi», — skazaŭ jon u intervju telekampanii NBC.

Pa słovach Malena,

bolšaść abjektaŭ supraćpavietranaj abarony (SPA) Livii ŭžo nie funkcyjanujuć.

«Kadafi treba pryniać rašeńnie adnosna svajoj budučyni», — skazaŭ admirał. Malen nastojvaje, što mety vajennaj apieracyi dosyć abmiežavanyja.

«Havorka nie idzie pra toje, kab zrynuć Kadafi», — padkreśliŭ jon.

Malen zajaviŭ, što nie bačyć nijakich prykmietaŭ taho, što Kadafi maje namier vykarystoŭvać chimičnuju zbroju.

Pavodle jaho acenki, vajennaja apieracyja kaalicyi dasiahnuła značnaha prahresu ŭ praciahu apošnich 24 hadzin i prypyniła padzieńnie bastyjona paŭstancaŭ horada Bienhazi.

Kiraŭnik abjadnanaha kamiteta načalnikaŭ štaboŭ adznačyŭ, što ZŠA sočać za raźvićciom padziej u Bachrejnie i inšych krainach rehijonu, adnak «u kožnaj krainy svaje asablivaści».

Try amierykanskija bambardziroŭščyki B-2 skinuli ŭ niadzielu 40 bombaŭ na «hałoŭny aeradrom Livii», paviedamlaje telekampanija CBS.

Repartaž nie ŭdakładniaŭ, dzie mienavita raźmieščany hety aeraport, i ci źjaŭlajecca jon hramadzianskim abo vajennym abjektam.

***

Krainy vajennaj kaalicyi, jakija ažyćciaŭlajuć siłavuju akcyju ŭ Livii, ŭstalavali da ranicy niadzieli vajenna-marskuju błakadu hetaj paŭnočnaafrykanskaha krainy.

U jaje zabieśpiačeńni ŭdzielničajuć bolš za 20 bajavych karabloŭ i padvodnych łodak.

U niadzielu ŭ rajon zasiarodžvańnia abjadnanaj hrupoŭki adpraŭlajecca francuzski avijanosiec «Šarl de Hol» u supravadžeńni 3 frehataŭ.

Zabieśpiačeńnie błakady Livii z mora tym bolš važna paśla paviedamleńniaŭ ab vysadcy sił Kadafi ŭ subotu na ŭźbiarežžy pobač z farpostam apazicyi horadam Bienhazi, što tearetyčna dazvoliła b uziać hety nasieleny punkt «ŭ ciski» i prymusić jaho da zdačy.

Livijski lider Muamar Kadafi vystupiŭ pa telebačańni i zaklikaŭ suhramadzian ŭzbrojvacca dla abarony zavajoŭ revalucyi, paviedamlaje Reuters.

Jon taksama zaklikaŭ afrykancaŭ, arabaŭ, łacinaamerykancaŭ i azijataŭ ŭstać plačom da plača z narodam Livii, cytuje jaho vystup ahienctva.

Pa słovach Kadafi, krainy Mižziemnamorja stali «palihonam vajny». Livijski lidar taksama skazaŭ, što hramadzianie Livii paŭstanuć suprać «kałanijalnaj ahresii kryžakoŭ».

Kaalicyja ŭ subotu ŭviečary naniesła bolš za 100 udaraŭ rakietami Tomohawk. Livijskaje telebačańnie paviedamlaje, što pad udar trapili nie tolki vajskoŭcy, ale i hramadzianskija abjekty.

Livijskaje telebačańnie taksama paviedamlała ab adnym źbitym francuzskim źniščalniku. Minabarony Francyi heta kateharyčna abvierhła, paviedamiŭšy, što ni z adnym z dvaccaci francuzskich bajavych samalotaŭ, jakija ŭdzielničajuć u sumiesnych dziejańniach, ničoha nie zdaryłasia.

U bližejšy čas čakajecca zvarot prezidenta ZŠA Baraka Abamy z nahody apieracyi, jakaja atrymała nazvu «Adysieja. Rasśviet» i kiravańnie jakoj ZŠA ciapier ŭziali na siabie. Pakul Abama vystupiŭ z karotkaj zajavaj u časie vizitu ŭ Braziliju. Jon skazaŭ, što amierykanski ŭdzieł u apieracyi budzie abmiežavany dniami, nie tydniami — majecca na ŭvazie, napeŭna, da taho momantu, pakul da bierahoŭ Livii nie padydzie francuzski avijanosiec.

Livijskaje telebačańnie paviedamlaje, što kala rezidencyi Kadafi sabralisia sotni livijcaŭ, jakija skandujuć łozunhi ŭ jaho padtrymku i hatovyja vykonvać rolu žyvoha ščyta ŭ tym vypadku, kali kaalicyja vyrašyć nanieści ŭdary pa rezidencyi.

Śpikier livijskaj «pałatki» Muchamied Abdel Kasiem az-Zaŭi taksama vystupiŭ z zvarotam: «AAN raźviazała ahresiju suprać Livii, — skazaŭ jon na ekstranaj pres-kanfierencyi. — My prasili Abjadnanyja Nacyi pasłać mižnarodnuju misiju dla ŭstanaŭleńnia iściny, adnak jany dasłali rakiety».

Jak paviedamlajuć śviedki, siły mižnarodnaj kaalicyi nanosiać udary pa avijabazach livijskaj armii kala Trypali i Misraty.

Pačałasia mižnarodnaja vajskovaja apieracyja suprać livijskaha dyktatara. Francuzskija VPS źniščyli čatyry tanki Kadafi. ZŠA vypuścili 110 rakiet pa 20 abjektach. Brytanskija samaloty taksama ŭžo nad Livijaj.

U subotu 19 sakavika ŭ Paryžy, dzie kiraŭniki dvaccaci krainaŭ Jeŭropy i arabskaha śvietu ŭzhadniali svaje dalejšyja dziejańni adnosna Livii, było zajaŭlena, što Kadafi dajecca apošni šaniec na mirnaje ŭrehulavańnie. Adnak livijski dyktatar, nasupierak ich patrabavańniam, praciahnuŭ nastup na horad Bienhazi, adzin z apornych punktaŭ apazicyjnych siłaŭ. Kab abaranić paŭstancaŭ ad udaraŭ avijacyi Kadafi, dvaccać samalotaŭ francuzskich VPS uziali pad kantrol pavietranuju prastoru radyusam kala 150 km u rajonie Bienhazi. Jak adznačaŭ pres-sakratar Hienštaba Francyi pałkoŭnik Tjery Biurkar,

francuzskija VPS zdolnyja źbić luby źniščalnik livijskich vojskaŭ u radyjusie biespalotnaj zony.

Francyja i naniesła pieršy ŭdar pa Livii ŭ 18.45 pa biełaruskim časie. Francuzskaja avijacyja źniščyła čatyry livijskija tanki. Heta adbyłosia na paŭdniovy zachad ad Bienhazi, paviedamlaje telekanał Al Jazeera. Raniej paviedamlałasia, što źniščalnik udaryŭ pa «bronieaŭtamabili niavyznačanaha typu».

Čakajecca, što ŭ chutkim časie da apieracyi dałučacca inšyja padraździaleńni VPS i VMF Francyi, paviedamlaje «Bi-bi-si».

Taksama

ŭ siońniašniaj pavietranaj raźviedcy brali ŭdzieł italjanskija vajskovyja samaloty

Padciahvajucca i inšyja sajuźniki: siońnia na bazu ŭ Sihanele (Sicylija) prylacieli šeść šmatmetavych źniščalnikaŭ F-16 VPS Danii, što majuć brać udzieł u apieracyi. Prem'jer-ministr Vialikabrytanii Džejms Kemieran zajaviŭ, što

samaloty brytanskich VPS užo ŭ niebie nad Livijaj.

Druhi ŭdar praź niekalki hadzinaŭ naniesła ZŠA. Rakieta «Tamahaŭk» z karabla ŭ Mižziemnym mory źniščyła abjekt livijskaj supraćpavietranaj abarony. Usiaho ZŠA na hety čas vypuścili 110 rakiet pa 20 abjektach. Abstreł praciahvajecca.

Pientahon zajaviŭ, što hatovy taksama zadziejničać u apieracyi i try padvodnyja łodki, jakija taksama znachodziacca ciapier u Mižziemnym mory.

Taksama padtrymać apieracyju hatovyja Katar, Ispanija, Bielhija, Niderłandy, Kanada, Abjadnanyja Arabskija Emiraty i Narviehija.

A voś kancler Niamieččyny Anhieła

Mierkiel vyklučyła mahčymaść udziełu vajskoŭcaŭ Bundeśviera ŭ livijskaj apieracyi.

Hrecyja taksama abmiežavałasia hatoŭnaściu prapanavać dla apieracyi svaje vajskovyja bazy.

Mižnarodny kamitet Čyrvonaha kryža zapatrabavaŭ ad abodvuch bakoŭ livijskaha kanfliktu zabiaśpiečyć miedykam volny dostup da paranienych — jak sałdataŭ Kadafi, tak i paŭstancaŭ. Taksama Čyrvony kryž asudziŭ vykarystańnie ludziej u jakaści žyvych ščytoŭ.

• 0
• 0
• 0
• 0
• 0
• 0