Pryčynaŭ arhanizatary pakul nie nazyvajuć.
Kamanda pavinna była vystupić u staličnym kłubie «Reaktar» 1 i 2 krasavika.
U kłubie pryčynu admieny kancertaŭ nie nazvali. Nie viedaje jaje i pradziusar hurta Jaŭhien Kałmykoŭ. Ale jon upeŭnieny, što jaje prydumajuć. «MNS chutčej za ŭsio budzie».
U «Lapisa Trubiackoha» u tury pa Biełarusi płanavalisia jašče kancerty ŭ Maładziečnie (raskupleny ŭsie kvitki), Žłobinie (400 kvitkoŭ kupili) i Salihorsku (u prodaž kvitki jašče nie pastupali). Jaŭhien Kałmykoŭ kaža, što
kamanda ciapier u takim nastroi, kab paprasić prabačeńnia ŭ słuchačoŭ i admianić hetyja vystupleńni.
Pradziusar adznačaje, što biełaruski tur kamandy padzialili na dźvie častki: da čornaha śpisu i paśla. Pryčym paśla hurt nie daŭ nivodnaha kancerta ŭ Biełarusi. Sp. Kałmykoŭ kaža, što da minskich vystupleńniaŭ muzyki jašče dumali pra pierahiby na miescach. Ale ciapier zrazumieła, što zabarona isnuje sapraŭdy.
Dla hurta heta treciaja admiena vystupleńniaŭ. U sakaviku nie adbylisia kancerty ŭ Homieli i Mahilovie.
30 sakavika «Lapis Trubiackoj» adyhraje ŭ Varšavie.
Hladzi taksama: Siarhiej Michałok: «Idzie kulturny hienacyd»
Kamientary