Pasoł Ukrainy: Toje, što siońnia adbyvajecca ŭ Biełarusi na finansavym i spažyvieckim rynkach, usiaho tolki pačatak

Toje, što adbyvajecca siońnia ŭ Biełarusi na finansavym i spažyvieckim rynkach, — usiaho tolki pačatak. Takoje mierkavańnie vykazaŭ pasoł Ukrainy ŭ Biełarusi Raman Biaśśmiertny ŭ intervju ŭkrainskamu vydańniu «Zierkało niedieli».

Jon adznačyŭ, što na praciahu apošnich paŭtara miesiacaŭ vielmi ŭskładniłasia situacyja na valutna-finansavym rynku. «A siońnia hety faktar uzmacniaje strach u biełaruskim hramadstvie. Bo, niahledziačy na toje, što pa aficyjnym kursie adzin dołar pa-raniejšamu kaštuje 3.100 biełaruskich rubloŭ, u susiedniaj Litvie pry kupli aŭtamabilaŭ dołar mianiajuć pa 4.700. Asobnyja banki na tarhach ŭžo prapanoŭvajuć za dołar 6.100 biełaruskich rubloŭ. Ciapier u Minsku možna ŭbačyć čerhi kala abmiennych punktaŭ. U internecie źjavilisia kadry, kali ludzi bjucca za dołary ŭ abmieńnikach. Na minułym tydni z palic asobnych supiermarkietaŭ źnikli cukar, alej. Heta sparadziła ažyjatažny popyt. Ułady sprabujuć napoŭnić mahaziny hetymi tavarami. Ale ŭ suviazi z takim kursam i ažyjatažam na valutnym rynku, ludzi masava skuplivajuć pradukty», — abmaloŭvaje situacyju ŭ Biełarusi ŭkrainski dypłamat.

Pavodle mierkavańnia Biaśśmiertnaha,

heta vyklikana ekanamičnaj palitykaj, deficytam płaciežnaha bałansu, niehatyŭnym salda źniešniaha handlu.

«Akramia taho, pieramovy pa ŭvaznych pošlinach na aŭtamabili i naftu, jakija pravodziła Biełaruś z Rasijaj i Kazachstanam u miežach stvareńnia Mytnaha sajuza, zaviaršylisia adnaznačna nie na karyść Minska. Letaś miascovyja analityki havaryli pra deficyt biudžetu ŭ piać miljardaŭ dołaraŭ. Dumaju, siońnia hety deficyt značna bolšy. Usio heta vyklikaje niastaču valuty, choć z pačatku hoda Nacyjanalny bank Biełarusi patraciŭ amal adzin miljard dołaraŭ sa svaich reziervaŭ dla pahašeńnia hetaha popytu. Ale prablema zastajecca. I ŭładam pryjdziecca jaje vyrašać», — kanstatuje pasoł.

Na pytańnie, ci moža ŭ Biełarusi valutna-finansavy kryzis pieraraści ŭ palityčny, ukrainski pasoł adznačyŭ nastupnaje: «Składana skazać. Ale toje, što siońnia adbyvajecca na finansavym i spažyvieckim rynkach, usiaho tolki pačatak. My, ukraincy, pryvykli da taho, što nas supravadžaje stychijny faktar rynku

. Ale ŭjavicie, što vy pieranieślisia ŭ krainu z płanavaj sistemaj, dzie nichto nie dumaŭ ni pra jakija biedy, dzie ŭsie havaryli, što ŭsio budzie dobra. I voś raptam uźnikaje prablema, jana pałochaje ludziej. Jany prosta nie hatovyja da takoha pavarotu padziej».

Razam z tym Raman Biaśśmiertny ličyć, što ŭ Biełarusi jość šmat instrumientaŭ, kab pahasić hety kryzis, pieraadoleć jaho. «Siońnia kraina znachodzicca ŭ tych umovach, kali jašče mahčymyja karekcyi. Ale tolki ad biełaruskaj ułady zaležyć, jakoje rašeńnie jana prymie, jaki abiare instrumient. Na siońniašni dzień, pa-pieršaje, vidavočna, što ŭłada rychtujecca da pryvatyzacyi: na prodaž budzie vystaŭleny šerah pradpryjemstvaŭ dla taho, kab atrymać nieabchodnyja finansavyja srodki i trochi pahasić toj kryzis, jaki pačaŭsia na valutnym rynku. Pa-druhoje, viaducca pieramovy z Rasijskaj Fiederacyjaj i Antykryzisnym fondam JeŭrAzES ab atrymańni kredytaŭ na ahulnuju sumu ŭ try miljardy dołaraŭ. Nadoječy źjaviłasia infarmacyja ab pačatku hetych pieramoŭ. Kali jany mohuć być zavieršanyja, składana adkazać», — skazaŭ ukrainski dypłamat.

• 0
• 0
• 0
• 0
• 0
• 0
• 0
• 0