«Sieks i dzen 3D: Ekstremalny ekstaz» (3D Sex and Zen: Extreme Ecstasy) pastaviŭ novy rekord zboraŭ.
Pieršy ŭ historyi kiniematohrafa trochmierny parnahrafičny film «Sieks i dzen 3D: Ekstremalny ekstaz» (3D Sex and Zen: Extreme Ecstasy) pastaviŭ novy rekord zboraŭ.
Stužka Styviena Šyu, vytvorčaść jakoj abyšłasia ŭ 3,5 młn dalaraŭ, za pieršyja čatyry dni pakazu tolki ŭ Hankonhu sabrała 1,7 młn dalaraŭ.
Heta na niekalki dziasiatkaŭ tysiač bolš, čym samy viadomy trochmierny film — «Avatar».
Pośpiech hankonskaha filma tym bolš značny, što jon atrymaŭ treciuju katehoryju prakatu. Pahladzieć stužku ŭ kino mohuć tolki asoby starejšyja za 18 hadoŭ. Kinateatry pierapoŭnienyja niahledziačy na toje, što košty na kvitki nabližajucca da 15 dalaraŭ, a za miesca ŭ załach dla pryvatnych prahladaŭ, jakija arandujucca cełymi kampanijami, davodzicca płacić bolš 20 dalaraŭ.
Charakterna, što zbory «Seksu i dzen» ŭdvaja pieravysili prybytak ad raniejšaha rekardsmiena treciaj katehoryi, filma «jurlivaść i aściarožnaść». Stužka, źniataja ŭ 2007 hodzie, u svoj čas adabrała lidarstva ŭ papiaredniaj ekranizacyi «Sieksu i dzen», jakuju źniaŭ baćka Styviena Šyu, Styvien Šyu — starejšy.
Film karystajecca pośpiecham i ŭ inšych krainach. Na Tajvani zbory za pieršyja try dni pakazu pieravysili paŭmiljona dalaraŭ. Film, poŭny seksu, hvałtu i čornaha humaru, karystajecca papularnaściu i ŭ inšych krainach
U asnovie filma lažyć eratyčny raman XVI stahodździa «Malitoŭny dyvanok dla cialesnych uciech». Tvor Li Juja raspaviadaje historyju jurlivaha «pryrodaznaŭcv», jaki rasvtajecca z žonkaj, kab znajści siabie. U pracesie «daśledavańniaŭ» jon kidaje vyklik ahulnapryniatym normam.
Kamientary