Jarmošyna: na parłamienckich vybarach źjavicca toje, što było na prezidenckich
Budučyja vybary ŭ Pałatu pradstaŭnikoŭ buduć nie mienš libieralnyja za prezidenckija i našmat bolš svabodnyja za papiarednija vybary ŭ parłamient. Pra heta zajaviła staršynia Centralnaj vybarčaj kamisii Lidzija Jarmošyna.
Lidzija Jarmošyna: «Vybary parłamienckija buduć vielmi adroźnivacca ad papiarednich. Bo na ich źjavicca toje, što było i padčas prezidenckich vybaraŭ: i asabistyja fondy kandydataŭ, i mahčymaść viadzieńnia debataŭ, i zajaŭlenčy paradak praviadzieńnia masavych mierapryjemstvaŭ. Usie tyja libieralnyja padychody zastanucca, jany nikudy nie padzienucca — jany buduć užyvacca i padčas praviadzieńnia parłamienckich vybaraŭ».
Nakolki aktyŭna hramadzianie buduć vyłučacca kandydatami ŭ deputaty, staršynia CVK siońnia pradkazać nie biarecca. Ale vykazvaje mierkavańnie, što takich žadajučych, dalokich ad vykanaŭčaj ułady, «Biełaj Rusi» ci BRSM, budzie davoli šmat.
— Pravaachoŭnyja orhany vielmi aktyŭnyja apošnim časam. Ci nie zastrašyć heta ludziej? Ci nie budzie dumak: «Navošta źviazvacca z hetymi vybarami, a potym nieviadoma što čakać?
Lidzija Jarmošyna: «A što ŭ pravaachoŭnych orhanach nie tak?»
— Ja nie kažu, što ŭ ich niešta «tak» ci «nie tak». Ja kažu, što jany vielmi aktyŭnyja…
Lidzija Jarmošyna: Jany aktyŭnyja tamu, što jany rasśledujuć złačynstva, jany abaviazanyja heta rabić. I da vybaraŭ heta nijakich adnosinaŭ nie maje. Absalutna!
Kali dakładna buduć parłamienckija vybary, pakul nie vyznačana. Ale papiarednie — jany musiać prajści ŭ 2012 hodzie.
Ciapier čytajuć
«Jana daŭnavata ŭ Biełarusi». Baćka Anžaliki Mielnikavaj pryznaŭsia, što jana žyvaja i zdarovaja87
Kamientary