Maryna Adamovič ličyć, što paśla praciahłaj haładoŭki ŭ muža pačalisia prablemy z sercam. 27 krasavika žonka Mikałaja Statkieviča atrymała adrazu dva listy.
«Mikałaj piša, što data sudu jamu, jak i raniej, nieviadomaja. Pryčym, tolki z majho lista jon daviedaŭsia, što niekatorym užo pryznačanyja pracesy. Bo raniej jon dumaŭ, što pojdzie pieršym. A dalej u liście ŭsio zapeckali. I jašče, vidać, u jaho prablemy z sercam. Bo jon piša, što pakrysie adnaŭlajecca, ale vymušany byŭ spynić treniroŭki, tamu što serca nie dahaniaje chutkaść adnaŭleńnia myšačnaj masy. Dumaju, Mikałaj b nie spyniŭ treniroŭki biez pryčyny. Chutčej za ŭsio, u jaho paśla haładoŭki zastajucca prablemy z sercam», — kaža Maryna Adamovič.
Da hetych dvuch listoŭ Maryna Adamovič nie atrymlivała ad muža listoŭ tydni try. Choć, pa słovach žančyny, muž piša 3–4 listy kožny tydzień. Apošni atrymany list maje vyklučna bytavy źmiest, mahčyma, mienavita tamu jaho i prapuściła cenzura.
Z momantu zatrymańnia 19 śniežania 2010 pa 12 studzienia 2011 h. Mikałaj Statkievič haładaŭ u SIZA KDB. Viečaram 12 studzienia kandydat u prezidenty Mikałaj Statkievič spyniŭ haładoŭku ŭ SIZA KDB. Trochtydniovaja haładoŭka «na fonie atrymanaj traŭmy» (da hetaha času nieviadoma, pra jakuju traŭmie pisaŭ palityk svajoj žoncy) prachodziła vielmi ciažka.
Užo paźniej u Mikałaja Statkieviča źjavilisia prablemy sa zrokam, i Maryna Adamovič vymušana była pieradavać akulary.
19 śniežnia 2010 hoda jon prymaŭ udzieł u akcyi na płoščach Kastryčnickaja i Niezaležnaści. Paśla žorstkaha razhonu mitynhu pry adjeździe na taksi byŭ zabłakavany śpiecnazam i zatrymany. Ciapier znachodzicca ŭ SIZA KDB, dzie z 19 śniežnia pa 12 studzienia pravodziŭ haładoŭku pratestu. Jamu pahražaje da 15 hadoŭ pazbaŭleńnia voli za arhanizacyju masavych biesparadkaŭ. Adzin z tych, kaho Amnesty International pryznała viaźniem sumleńnia paśla padziej na Płoščy.
Kryminalnyja spravy Mikałaja Statkieviča, Dźmitryja Usa, Andreja Paźniaka, Alaksandra Kłaskoŭskaha, Alaksandra Kviatkieviča, Arcioma Hrybkova, Dźmitryja Bułanava buduć razhladacca ŭ sudzie Leninskaha rajona Minska, sudździa Ludmiła Hračova.
Palaki kuplajuć damy ŭ Biełarusi — cikaviacca, ci chopić na žyćcio jeŭrapiejskaj piensii, i radujucca śmiešnym vydatkam9
Kamientary